Myhl

Vun Wikipedia
Wapen/Flagg Koort
Wapen unbekannt
Myhl
Laag vun Myhl in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04791
Geograafsche Laag:
Koordinaten:53° 15′ N, 8° 49′ O
53° 15′ N, 8° 49′ O

Karte

Möhl in Myhl

Myhl (hoochdüütsch Myhle) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. Binnen de Gemeen höört de Oort to de polietsche Oortschop Sandhusen.

Geografie[ännern | Bornkood ännern]

De Oort liggt op de Oosterholter Geest. Dat Water ut dat Rebeed flütt över’n Möhlenbeek un Speckgraven na de Beek hen af.

De Naveröörd sünd Olenbüttel in’n Noorden, Ströh un Sandhusen in’n Noordoosten, Olendamm in’n Oosten, Pennigbüttel un Wist in’n Süden, Westerbeek in’n Süüdwesten, Bredbeek un Kattenhoorn in’n Westen un Freißenbüttel in’n Noordwesten.

Historie[ännern | Bornkood ännern]

Von 1795 bet in dat 20. Johrhunnert is in Myhl en Windmöhl lopen.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort weer fröher en egenstännige Gemeen, is in dat fröhe 20. Johrhunnert denn aver Deel von de Gemeen Sandhusen worrn. De Gemeen Sandhusen is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn. Sietdem höört de Oort to de Oortschop Sandhusen.

Inwahnertall[ännern | Bornkood ännern]

Johr Inwahners
1791-00-001791[1] 8 Füürsteden
1812-00-001812[2] 67
1824-00-001824[3] 8 Füürsteden
1848-00-001848[4] 74 Lüüd, 12 Hüüs
1871-12-011. Dezember 1871[5] 117 Lüüd, 18 Hüüs
1885-12-011. Dezember 1885[6] 110 Lüüd, 19 Hüüs
1905-12-011. Dezember 1905[7] 136 Lüüd, 21 Hüüs
1910-12-011. Dezember 1910[8] 144

Religion[ännern | Bornkood ännern]

Myhl is evangeelsch-luthersch präägt un höört to dat Kaspel von de Willehadi-Kark in Scharmbeek.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Myhl is de freewillige Füürwehr Sandhusen mit tostännig.

Verkehr[ännern | Bornkood ännern]

Dör Myhl löppt de Bundsstraat 74, de in’n Noordoosten över Sandhusen, Ströh un Wallhöben na Kuhs un Bremervöör geiht un in’n Süüdwesten över Pennigbüttel un Oosterholt-Scharmbeek na Hu’e un Bremen-Noord.

De Opfohrt 16 Bremen-Noord op de Autobahn 27/270 liggt so 13 Kilometer in’n Süüdwesten von Myhl.

De nächsten Bahnhööv sünd so bi fiev Kilometer wied weg an de Bahnlien Bremen–Bremerhoben de Bahnhoff Olenbüttel in’n Noorden un de Bahnhoff Oosterholt-Scharmbeek in’n Süden.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 155
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 408
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  8. Inwahnertallen op gemeindeverzeichnis.de