Olendamm

Vun Wikipedia
Wapen/Flagg Koort
Wapen unbekannt
Olendamm
Laag vun Olendamm in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04791
Geograafsche Laag:
Koordinaten:53° 15′ N, 8° 50′ O
53° 15′ N, 8° 50′ O

Karte

Olendamm (hoochdüütsch Altendamm) is en Dörp in de Gemeen Oosterholt-Scharmbeek in’n Landkreis Oosterholt, Neddersassen. Binnen de Gemeen höört Olendamm to de polietsche Oortschop Pennigbüttel.

Bi Olendamm höört von öllers ok de Hööv von Wulfsborg mit bi.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed flütt över Gravens na de Beek hen af. In’n Noorden is dat Naturschuulrebeed Moor bi Neddersandhusen un in’n Süden dat Pennigbütteler Moor.

De Naveröörd sünd Neddersandhusen in’n Noorden, Wulfsborg un Düvelsmoor in’n Oosten, Olenbrügg un Neenfeld in’n Süden, Neendamm un Pennigbüttel in’n Süüdwesten, Myhl in’n Westen un Sandhusen in’n Noordwesten.

Historie[ännern | Bornkood ännern]

Olendamm is as Moorkolonie in dat Düvelsmoor grünnt worrn.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Pennigbüttel in’n Kanton Oosterholt höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Oosterholt in’n Kanton Oosterholt.

De Oort hett vör 1885 to de Vaagdie Scharmbeek von dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en, gröttern Kreis Oosterholt worrn.

In dat 19. Johrhunnert weer de Oort en Buurschop un later en Gemeen. De Gemeen Olendamm is to Anfang von dat 20. Johrhunnert Deel von de Gemeen Pennigbüttel worrn. Pennigbüttel wedder is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn. Binnen de Gemeen höört Olendamm sietdem to de Oortschop Pennigbüttel.

Inwahnertall[ännern | Bornkood ännern]

Johr Inwahners
1812-00-001812[1] 91
1824-00-001824[2] 15 Füürsteden
1848-00-001848[3] 96 Lüüd, 17 Hüüs
1871-12-011. Dezember 1871[4] 98 Lüüd, 16 Hüüs
1885-12-011. Dezember 1885[5] 90 Lüüd, 14 Hüüs
1905-12-011. Dezember 1905[6] 61 Lüüd, 13 Hüüs
1910-12-011. Dezember 1910[7] 75

Religion[ännern | Bornkood ännern]

Olendamm is evangeelsch-luthersch präägt un höört to dat Kaspel von de Emmaus-Kark in Pennigbüttel. Bet to’n 1. Oktober 1992 harr de Oort vörher to dat Kaspel von de Willehadi-Kark in Scharmbeek höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Olendamm is de freewillige Füürwehr Pennigbüttel mit tostännig.

Verkehr[ännern | Bornkood ännern]

An Olendamm langs löppt de Landsstraat 153, de in’n Westen na Pennigbüttel an de Bundsstraat 74 ran geiht un in’n Süüdoosten över Düvelsmoor na Worpsweed un Leendaal. De B 74 geiht in’n Noordoosten över Wallhöben un Kuhs na Bremervöör un in’n Süüdwesten över Oosterholt-Scharmbeek un Hu’e na Bremen-Noord.

De Opfohrt 16 Bremen-Noord op de Autobahn 27/270 liggt so 15 Kilometer in’n Süüdwesten von Olendamm an de B 74 un de Opfohrt 14 Swonewebel op de A 27 16 Kilometer in’n Westen an de L 149.

De nächste Bahnhoff is so bi söven Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 14
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 140
  7. Inwahnertallen op gemeindeverzeichnis.de