Spreddig

Vun Wikipedia
Zur Navigation springen Zur Suche springen
Wapen/Flagg Koort

Wapen vun Spreddig

Spreddig
Laag vun Spreddig in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Hambargen
Inwahners:
Postleettall: 27729
Vörwahl: 04793
Geograafsche Laag:
Koordinaten:53° 17′ N, 8° 50′ O
53° 17′ N, 8° 50′ O

Spreddig (hoochdüütsch Spreddig) is en Dörp in de Gemeen Hambargen (Samtgemeen Hambargen) in’n Landkreis Oosterholt, Neddersassen.

Geografie[ännern | Bornkood ännern]

Dat Dörp liggt op’n Rand von de Oosterholter Geest na dat Düvelsmoor. Dat Water ut dat Rebeed flütt över Gravens na de Beek hen af.

De Naveröörd sünd Hambargen un Neenkroog in’n Noorden, Heilsdorp, Heißenbuttel un Verlüssmoor in’n Noordoosten, Düvelsmoor un Neddersandhusen in’n Süüdoosten, Ströh un Sandhusen in’n Süden, Olenbüttel un Freißenbüttel in’n Süüdoosten un Kiebitzsegen in’n Noordwesten.

Historie[ännern | Bornkood ännern]

Spreddig is in de Tied twüschen 1700 un 1720 as Moorkolonie an’n Rand von dat Düvelsmoor grünnt worrn un is fröher hoochdüütsch ok Kleinbeck nöömt worrn. Bevör de Oort grünnt worrn is, hett dat Land to de Feldmark von Hambargen tohöört.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

Spreddig is 1929 mit de Gemeen Ströh to een Gemeen tohoopslaten worrn. De is denn wedder an’n 1. Juni 1937 Deel von de Gemeen Hambargen worrn.

Inwahnertall[ännern | Bornkood ännern]

Johr Inwahners
1791-00-001791[1] 14 Füürsteden
1812-00-001812[2] 51
1824-00-001824[3] 14 Füürsteden
1848-00-001848[4] 116 Lüüd. 17 Hüüs
1871-12-011. Dezember 1871[5] 174 Lüüd. 31 Hüüs
1885-12-011. Dezember 1885[6] 180 Lüüd. 33 Hüüs
1905-12-011. Dezember 1905[7] 191 Lüüd. 32 Hüüs
1910-12-011. Dezember 1910[8] 205

Religion[ännern | Bornkood ännern]

Spreddig is evangeelsch-luthersch präägt un höört to dat Kaspel von de Cosmae-un-Damiani-Kark in Hambargen.

För de Kathoolschen is de Hillige-Familie-Kark in Oosterholt-Scharmbeek tostännig.

Kultur[ännern | Bornkood ännern]

Verenen[ännern | Bornkood ännern]

De Heimaatvereen Ströh/Spreddig is an’n 3. Mai 1991 grünnt worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Spreddig löppt de Bundsstraat 74, de in’n Noordoosten an Gnarrenborg langs na Bremervöör geiht un in’n Süüdwesten över Oosterholt-Scharmbeek un Hu’e na Bremen-Noord. Von de B 74 geiht in’n Westen de Kreisstraat 4 af, de na Olenbüttel un Ohlenst föhrt.

De Opfohrt 16 Bremen-Noord op de Autobahn 27/270 liggt so 16 Kilometer in’n Süüdwesten von Spreddig.

De nächste Bahnhoff is so bi een Kilometer wied weg in’n Westen de Bahnhoff Olenbüttel an de Bahnlien Bremen–Bremerhoben.

Scholen[ännern | Bornkood ännern]

De Kinner ut Spreddig gaht na de Grundschool Ströh, de direkt an de Grenz von de beiden Oortsdelen liggt.

Literatur[ännern | Bornkood ännern]

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 215
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 570
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
  8. Inwahnertallen op gemeindeverzeichnis.de