Kiebitzsegen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27729 | |
| Vörwahl: | 04793 | |
| Geograafsche Laag: | Koordinaten:53° 18′ N, 8° 48′ O53° 18′ N, 8° 48′ O | |
|
| ||
Kiebitzsegen (hoochdüütsch Kiebitzsegen) is en lütten Oort in de Gemeen Hambargen (Samtgemeen Hambargen) in’n Landkreis Oosterholt, Neddersassen.
Geografie[ännern | Bornkood ännern]
De Oort liggt op de Oosterholter Geest. Dat Water ut dat Rebeed flütt över Gravens na’n Giehler Beek hen af.
De Naveröörd sünd Schrum in’n Noorden, Hambargen un Heißenbuttel in’n Noordoosten, Heilsdorp un Spreddig in’n Oosten, Olenbüttel un Ströh in’n Süüdoosten, Freißenbüttel in’n Süden, Elm, Hülsbarg un Büttel in’n Süüdwesten, Vörwohl in’n Westen un Ohlenst un Biloh in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort weer fröher in’n Kreis Oosterholt, de 1932 mit’n Kreis Blomendal to’n ne’en un gröttern Kreis Oosterholt tohoopgahn is.
De Oort hett al jümmer to de Gemeen Hambargen mit tohöört, de an’n 1. April 1937 düüdlich grötter worrn is un de ne’e Gemeen Hambargen billt hett.
Religion[ännern | Bornkood ännern]
Kiebitzsegen is evangeelsch-luthersch präägt un höört to dat Kaspel von de Cosmae-un-Damiani-Kark in Hambargen.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur[ännern | Bornkood ännern]
För Kiebitzsegen is de freewillige Füürwehr Hambargen mit tostännig.
Twüschen Olenbüttel un Kiebitzsegen harr fröher dat Ünnernehmen Kaffee Hag en Warksgelänn. Op dat Gelänn steiht nu op 22 Hektar en Solarpark von de Sybac Solar GmbH, de mit 40.500 Module en Leistung von 9,6 MWp tüügt. De Solarpark hett 12,5 Milljonen Euro köst un is in’n April 2013 in Bedriev gahn.
Verkehr[ännern | Bornkood ännern]
Dör Kiebitzsegen löppt de Kreisstraat 4, de in’n Westen na Ohlenst K 16 geiht un in’n Oosten na Spreddig an de Bundsstraat 74. De B 74 geiht in’n Noordoosten över Kuhs an Gnarrenborg langs na Bremervöör un in’n Süüdwesten över Oosterholt-Scharmbeek un Hu’e na Bremen-Noord. De K 16 geiht von Ohlenst in’n Süden över Büttel un Hülsbarg na Westerbeek un Oosterholt-Scharmbeek un in’n Noorden över Biloh na Harndorp.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer an de K 48 liggt so 16 Kilometer in’n Westen von Kiebitzsegen.
De nächste Bahnhoff is een Kilometer wied weg in’n Süüdoosten de Bahnhoff Olenbüttel an de Bahnlien Bremen–Bremerhoben.