Elm (Landkreis Oosterholt)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Elm
Laag vun Elm in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04791, 04795
Geograafsche Laag:
Koordinaten:53° 16′ N, 8° 46′ O
53° 16′ N, 8° 46′ O

Elm (hoochdüütsch Elm) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört polietsch von öllers bi Hülsbarg mit bi.

Geografie[ännern | Bornkood ännern]

De Oort liggt op de Oosterholter Geest. De Drept hett ehren Born an’n Süüdrand von’n Oort. Dat Water ut dat Rebeed flütt över de Drept un den Giehler Beek af.

De Naveröörd sünd Isehorn un Hülsbarg in’n Noorden, Freißenbüttel un Bredbeek in’n Oosten, Westerbeek, Bargten un Buschhusen in’n Süden, Heilshorn un Lilkendey in’n Süüdwesten un Garlst in’n Noordwesten.

Historie[ännern | Bornkood ännern]

De Elm weer en Forst un de Oort Elm is as Forsthuus grünnt worrn. Dat Forsthuus leeg an de hüdige [[Kreisstraat 46 (Landkreis Oosterholt)|]. De Hüüs, de vondaag an de Straat Vör de Elm staht (op de Kloosterheid un Lange Heid), sünd eerst in dat 20. Johrhunnert boot worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1871-12-011. Dezember 1871[3] 18 Lüüd. 4 Hüüs

Religion[ännern | Bornkood ännern]

Elm is evangeelsch-luthersch präägt un höört to dat Kaspel von de Willehadi-Kark in Scharmbeek.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Elm löppt de Kreisstraat 46, de in’n Noordwesten na Garlst an de Landsstraat 135 geiht un in’n Süden över Westerbeek na Oosterholt-Scharmbeek an de Bundsstraat 74. Bi Hülsbarg geiht von de K 46 na Noorden de K 16 af, de na Ohlenst löppt.

De nächste Autobahn is de Autobahn 27 (Afsnidd BremenBremerhoben). De Opfohrten 14 Swonewebel an de L 149 un 15 Ihlpohl an de L 135 doot so twölv Kilometer in’n Süüdwesten von Elm liggen.

De nächste Bahnhoff is so bi söss Kilometer wied weg in’n Süüdoosten de Bahnhoff Oosterholt-Scharmbeek an de Bahnlien Bremen–Bremerhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 67
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 166
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157