Heilshoorn

Vun Wikipedia
(wiederwiest vun Heilshorn)
Zur Navigation springen Zur Suche springen
Wapen/Flagg Koort

Wapen vun Heilshoorn

Heilshoorn
Laag vun Heilshoorn in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Flach: 6,5 km²
Inwahners: 414 (2008-00-002008)
Inwahnerdicht: 63,7 Inwahners pro km²
Postleettall: 27711
Vörwahl: 04795
Geograafsche Laag:
Koordinaten:53° 14′ N, 8° 43′ O
53° 14′ N, 8° 43′ O

Luftbild von Heilshoorn von Oosten keken (2015)

Heilshoorn (hoochdüütsch Heilshorn) is en Dörp in de Gemeen Oosterholt-Scharmbeek in’n Landkreis Oosterholt, Neddersassen.

Bi Heilshoorn höört ok von öllers dat Forsthuus in’t Stoteler Holt mit to. En Deel von Heilshoorn is ok de Lange Heid en Stück in’n Noorden an de Landsstraat 135.

Geografie[ännern | Bornkood ännern]

De Oort liggt op de Oosterholter Geest. Dat Rebeed in’n Süüdwesten von Heilshoorn tellt to de Bremer Swiez. De Schönebecker Au flütt dicht bi’n Oort langs.

De Naveröörd sünd Garlst in’n Noorden, Hülsbarg un Elm in’n Noordoosten, Westerbeek un Bargten in’n Oosten, Buschhusen un Scharmbeekstotel in’n Süüdoosten, Leessemstotel, Werschenreeg, Arv un Stendörp in’n Süden, Habichthorst, Korbeck un Brundörp in’n Süüdwesten un Meyenborg, Vosloog un Buggehorn in’n Noordwesten.

Historie[ännern | Bornkood ännern]

Heilshoorn kummt 1299 toeerst in de Oorkunnen vör.

De Oortsdeel Lange Heid is eerst in dat 20. Johrhunnert opkamen un mit de Lucius-D.-Clay-Kasern to sien hüdige Grött wussen.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Eggst in’n Kanton Hu’e höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Swonewebel in’n Kanton Vesack.

De Oort hett vör 1848 to dat Gericht Hu’e tohöört un denn von 1848 bet 1885 to dat Amt Oosterholt. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en, grötteren Kreis Oosterholt tohoopgahn is.

De Oort weer fröher en egen Gemeen, de an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn is.

Inwahnertall[ännern | Bornkood ännern]

Johr Inwahners
1791-00-001791[1] 36 Füürsteden
1812-00-001812[2] 202*
1824-00-001824[3] 37 Füürsteden
1848-00-001848[4] 297 Lüüd. 48 Hüüs
1871-12-011. Dezember 1871[5] 257 Lüüd. 49 Hüüs
1885-12-011. Dezember 1885[6] 269 Lüüd. 51 Hüüs
1905-12-011. Dezember 1905[7] 243 Lüüd. 45 Hüüs
1910-12-011. Dezember 1910[8] 256
1925-00-001925[9] 304
1933-00-001933[9] 301
1939-00-001939[9] 304
* mit Lilkendey

Religion[ännern | Bornkood ännern]

Heilshoorn is evangeelsch-luthersch präägt un höört to de To’n-Hilligen-Krüüz-Kark in Werschenreeg. Bevör düsse Kark 1966 trech worrn is, hett de Oort to de Martin-Kark in Leessem höört.

För de Kathoolschen is de Hillige-Familie-Kark in Oosterholt-Scharmbeek tostännig.

De Doden warrt op’n Karkhoff Pennigbüttel begraven.

Wapen[ännern | Bornkood ännern]

Dat Wapen von Heilshoorn wiest över en roden Schildfoot mit en sülvern Hoorn op gollen Grund en rode Borg mit en blau Band dor vör langs.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Leessem bi de Kark.[10]

Verenen[ännern | Bornkood ännern]

De Sportvereen Sportfrünn Heilshoorn is 1971 grünnt worrn un de Börgervereen Heilshoorn 1975.

Weertschop un Infrastruktur[ännern | Bornkood ännern]

Heilshoorn hett en egene freewillige Füürwehr, de an’n 1. Mai 1941 grünnt worrn is.

Dat Ünnernehmen Faun Umwelttechnik hett ehr Wark in Heilshoorn. 2017/2018 hett de DHL en Mechaniseerte Tostellbasis in Heilshoorn boot.

Verkehr[ännern | Bornkood ännern]

Dör Heilshoorn löppt de Landsstraat 135, de in’n Noorden över Garlst an Hagen na Bremerhoben geiht un in’n Süden na Ihlpohl un Bremen-Noord. In’n Süden von Heilshoorn warrt de L 135 von de L 149 krüüzt, de in’n Oosten na Buschhusen un Oosterholt-Scharmbeek an de Bundsstraat 74 ran geiht un in’n Westen över Brundörp un Eggst na Swonewebel. De Kreisstraat 17 föhrt in’n Süüdoosten von de L 149 na Scharmbeekstotel.

De nächste Autobahn is de Autobahn 27 (Afsnidd BremenBremerhoben). De Opfohrt 14 Swonewebel liggt so veer Kilometer in’n Westen von Heilshoorn an de L 149.

De nächste Bahnhoff is so bi söven Kilometer wied weg in’n Oosten de Bahnhoff Oosterholt-Scharmbeek an de Bahnlien Bremen–Bremerhoben.

Scholen[ännern | Bornkood ännern]

In’n Oort gifft dat de Grundschool Heilshoorn un en Kinnergoorn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 101
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 106
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 262
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de
  10. Onlineprojekt Gefallenendenkmäler

Weblenken[ännern | Bornkood ännern]

Commons-logo.svg Heilshoorn. Mehr Biller, Videos oder Audiodateien to’t Thema gifft dat bi Wikimedia Commons.