Stoteler Holt
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04292 | |
| Geograafsche Laag: | Koordinaten:53° 13′ N, 8° 44′ O53° 13′ N, 8° 44′ O | |
|
| ||
Stoteler Holt (hoochdüütsch Stoteler Wald) is en Forst un Forsthuus in de Gemeen Oosterholt-Scharmbeek in’n Landkreis Oosterholt, Neddersassen. Binnen de Gemeen höört dat Forsthuus to de polietsche Oortschop Heilshoorn.
Geografie
[ännern | Bornkood ännern]De Oort liggt op de Oosterholter Geest. De höögste Punkt von dat Holt liggt bi so 44 Meter över de See. Dat Water ut dat Rebeed flütt över lüttjere Beken na de Schönebeker Au af.
De Naveröörd sünd Buschhusen in’n Noordoosten, Vörscharmbeekstotel in’n Süüdoosten, Wullbrandt, Loog un Werschenreeg in’n Süden, Arv in’n Süüdwesten un Heilshoorn in’n Noordwesten.
Historie
[ännern | Bornkood ännern]An’n 8. September 1935 is dat Forsthuus afbrennt, aver wedder opboot worrn.
Verwaltungsgeschicht
[ännern | Bornkood ännern]De Oort hett bet 1885 to dat Amt Oosterholt höört, ut dat 1885 de Kreis Oosterholt worrn is. De Kreis Oosterholt hett sik 1932 mit’n Kreis Blomendal to’n hüdigen Kreis Oosterholt tohoopslaten.
De Oort hett von öllers bi de Gemeen Heilshoorn mit bihöört, de an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn is.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 9 Lüüd, 1 Huus |
| 1. Dezember 1885[2] | 7 Lüüd, 1 Huus |
| 1. Dezember 1905[3] | 3 Lüüd, 1 Huus |
Religion
[ännern | Bornkood ännern]De Oort is evangeelsch-luthersch präägt un höört to de To’n-Hilligen-Krüüz-Kark in Werschenreeg. Bevör düsse Kark 1966 trech worrn is, hett de Oort to de Martin-Kark in Leessem höört.
Weertschop un Infrastruktur
[ännern | Bornkood ännern]För dat Forsthuus is de freewillige Füürwehr Heilshoorn mit tostännig.
Verkehr
[ännern | Bornkood ännern]De Straat, de in’n Oosten von’t Stoteler Holt langs löppt, is de Kreisstraat 17 un verbinnt de Landsstraat 149 mit de K 3 in Scharmbeekstotel/Övelgünn, de in Scharmbeekstotel noch in de Bundsstraat 74 münnt. De B 74 föhrt in’n Noordoosten na Oosterholt-Scharmbeek, Hambargen, Gnarrenborg un Bremervöör un in’n Süüdwesten över Hu’e na Bremen-Noord. De L 149 geiht in’n Oosten na Buschhusen un dor an de B 74 un in’n Westen na Heilshoorn an de L 135.
De nächste Autobahn is de Autobahn 27 (Afsnidd Bremen–Bremerhoben). De Opfohrt 15 Ihlpohl liggt so söven Kilometer in’n Süüdwesten von’t Stoteler Holt an de L 135. Ok de Opfohrt 16 Bremen-Noord op de A 27/A 270 liggt jüstso wied in’n Süüdwesten.
De nächste Bahnhoff is so bi fiev Kilometer wied weg in’n Süüdoosten de Bahnhoff Hu’e an de Bahnlien Bremen–Bremerhoben.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142