Loog (Gemeen Hu’e)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Loog
Laag vun Loog in Düütschland
Basisdaten
Bundsland: Neddersassen
Landkreis: Oosterholt
Gemeen: Hu’e
Inwahners:
Postleettall: 27721
Vörwahl: 0421, 04292
Geograafsche Laag:
Koordinaten:53° 12′ N, 8° 44′ O
53° 12′ N, 8° 44′ O

Loog (hoochdüütsch Loge) weer en Dörp in de Gemeen Hu’e in’n Landkreis Oosterholt, Neddersassen. Binnen de Gemeen höört dat Rebeed to’n Oortsdeel Werschenreeg.

De Oort is vondaag kumplett mit Werschenreeg un Leessemstotel to een Oort tohoopwussen un höört to de Vöröörd von Bremen. De Grenz na’n Stadtbezirk Bremen-Noord liggt dree Kilometer in’n Süden.

Geografie[ännern | Bornkood ännern]

De Oort liggt op de Oosterholter Geest. Dat Water ut dat Rebeed flütt över de Schönebeker Au af.

De Naveröörd sünd Buschhusen un Vörscharmbeekstotel in’n Noordoosten, de Wullbrandt, Övelgünn un Scharmbeekstotel in’n Oosten, Leessemstotel in’n Süden, Stendörp in’n Süüdwesten, Werschenreeg un Arv in’n Westen un Heilshoorn in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Werschenreeg in’n Kanton Hu’e höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hu’e in’n Kanton Oosterholt.

De Oort hett bet 1848 to dat Gericht Hu’e höört. Düt Gericht is 1848 Deel von dat Amt Oosterholt worrn, ut dat 1885 wedder de Kreis Oosterholt worrn is. De Kreis Oosterholt hett sik 1932 mit’n Kreis Blomendal to’n hüdigen Kreis Oosterholt tohoopslaten.

De Oort weer in dat 19. Johrhunnert en egen Gemeen, is aver al in de twete Hälft von dat 19. Johrhunnert mit de Gemeen Werschenreeg to de Gemeen Loog-Werschenreeg tohoopleggt worrn. An’n 1. März 1974 is de Gemeen Loog-Werschenreeg mit de Gemeenreform in Neddersassen Deel von de Gemeen Hu’e worrn. De Oortsdeel, de sik ut de fröhere Gemeen billt hett, warrt vondaag blots noch Werschenreeg nöömt.

Inwahnertall[ännern | Bornkood ännern]

Johr Inwahners
1791-00-001791[1] 12 Füürsteden
1812-00-001812[2] 67
1824-00-001824[3] 13 Füürsteden
1848-00-001848[4] 78 Lüüd. 11 Hüüs
1871-12-011. Dezember 1871[5] 66 Lüüd. 12 Hüüs
1885-12-011. Dezember 1885[6] 67 Lüüd. 12 Hüüs

Religion[ännern | Bornkood ännern]

Loog is evangeelsch-luthersch präägt un höört to de To’n-Hilligen-Krüüz-Kark in Werschenreeg. Bevör düsse Kark 1966 trech worrn is, hett de Oort to de Martin-Kark in Leessem höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Loog is de freewillige Füürwehr Leessemstotel-Werschenreeg mit tostännig.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 144
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 378
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167