Korbeck
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28790 | |
| Vörwahl: | 04209 | |
| Geograafsche Laag: | Koordinaten:53° 13′ N, 8° 40′ O53° 13′ N, 8° 40′ O | |
|
| ||
Korbeck (hoochdüütsch Korbeck) is en Hoff in de Gemeen Swonewebel in’n Landkreis Oosterholt, Neddersassen.
Geografie[ännern | Bornkood ännern]
De Hoff liggt op de Oosterholter Geest. Dat Water ut dat Rebeed flütt över de Blomendaler Au af. In’n Süüdoosten von’n Hoff flütt dat över de Lütte Au na de Schönebecker Au.
De Naveröörd sünd Brundörp in’n Noorden, Lilkendey in’n Noordoosten, Heilshoorn in’n Oosten, Arv, Stendörp un Wollah in’n Süüdoosten, Habichthorst in’n Süden, Brand in’n Süüdwesten, Eggst in’n Westen un Hahle in’n Noordwesten.
Historie[ännern | Bornkood ännern]
De Hoff kummt 1257 in en Oorkunn von dat Klooster Leendaal toeerst vör.[1]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Hoff to de Mairie Swonewebel in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Hoff hett vör 1852 to’n Bezirk Leessem in dat Gericht Leessem-Schönebeck tohöört, 1852 bet 1859 to dat Amt Leessem un denn von 1859 bet 1885 to dat Amt Blomendal. Na 1885 weer dat in’n Kreis Blomendal, de 1932 Deel von’n Kreis Oosterholt worrn is.
De Hoff hett von öllers to de Gemeen Brundörp tohöört. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Swonewebel worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[2] | 1 Füürsteed |
| 1848[3] | 7 Lüüd, 1 Huus |
| 1. Dezember 1885[4] | 5 Lüüd, 1 Huus |
| 1. Dezember 1905[5] | 8 Lüüd, 1 Huus |
Religion[ännern | Bornkood ännern]
Korbeck is evangeelsch-luthersch präägt un höört siet 1967 to de Karkengemeen von de St.-Magni-Kark in St. Magnus. Vörher hett de Hoff to dat Kaspel von de Martin-Kark in Leessem höört.
För de Kathoolschen is de Hillige-Familie-Kark in Grohn tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Von Korbeck löppt en lüttjere Straat na Brundörp an de Landsstraat 149, de in’n Oosten de L 135 krüüzt un na Oosterholt-Scharmbeek an de Bundsstraat 74 ran geiht un in’n Westen na Swonewebel.
De nächste Autobahn is de Autobahn 27 (Afsnidd Bremen–Bremerhoben). De Opfohrt 14 Swonewebel liggt knapp dree Kilometer in’n Westen von Korbeck an de L 149.
De nächste Bahnhoff is so bi söss Kilometer wied weg in’n Süüdwesten de Bahnhoff Aumund an de Bahnlien Vesack–Bremen.
Footnoten[ännern | Bornkood ännern]
- ↑ Horst-Rüdiger Jarck: Das Zisterzienserinnenkloster Lilienthal: Gründung, Verfassung und Stellung zum Zisterzienserorden. Stoder Geschichts- un Heimatvereen, Stood 1969, Sied 118
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 126
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20