Hülsbarg

Vun Wikipedia
Wapen/Flagg Koort

Wapen vun Hülsbarg

Hülsbarg
Laag vun Hülsbarg in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Flach: 6,51 km²
Inwahners: 414 (2008-00-002008)
Inwahnerdicht: 63,6 Inwahners pro km²
Hööchd: 31 m över NN
Postleettall: 27711
Vörwahl: 04795
Geograafsche Laag:
Koordinaten:53° 17′ N, 8° 45′ O
53° 17′ N, 8° 45′ O

Karte

Luftbild von de Ohlenster Seen in’n Noorden von Hülsbarg (2013)

Hülsbarg (hoochdüütsch Hülseberg) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen.

Bi Hülsbarg höört von öllers ok de lüttje Oort Isehorn mit to.

Geografie[ännern | Bornkood ännern]

In’n Noorden von’n Oort doot de Ohlenster Seen liggen. Annerthalv Kilometer in’n Westen flütt de Drept an Hülsbarg langs. De Giehler Beek, ut den later de Hamm warrt, hett sien Born in’n Süden von Hülsbarg un flütt dicht bi dat Dörp langs.

De Naveröörd sünd Büttel in Ohlenst in’n Noorden, Vörwohl un Olenbüttel in’n Noordoosten, Ströh in’n Oosten, Freißenbüttel un Sandhusen in’n Süüdoosten, Westerbeek, Bargten un Buschhusen in’n Süden, de Lange Heid in’n Süüdwesten un Garlst in’n Westen.

Historie[ännern | Bornkood ännern]

De Oort kummt 1238 toeerst in de Oorkunnen vör.

In de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1850 to dat Gericht Hu’e un denn to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.

En Deel von Hülsbarg is al 1936 dör Erlass von’n Oberpräsident von de Provinz Hannover tohoop mit Buschhusen, Lintel un Westerbeek Deel von de Gemeen Oosterholt-Scharmbeek worrn. De Rest von’n Oort is an’n 1. März 1974 Deel von de Gemeen Oosterholt-Scharmbeek worrn un billt sietdem en Oortschop mit egen Oortsvörsteiher binnen de Gemeen.[1]

Inwahnertall[ännern | Bornkood ännern]

Johr Inwahners
1812-00-001812[2] 116
1824-00-001824[3] 20 Füürsteden
1848-00-001848[4] 135 Lüüd, 25 Hüüs
1910-12-011. Dezember 1910[5] 186
1925-00-001925[6] 178
1933-00-001933[6] 198
1939-00-001939[6] 199

Religion[ännern | Bornkood ännern]

Hülsbarg is evangeelsch-luthersch präägt un höört to dat Kaspel von de Willehadi-Kark in Scharmbeek.

För de Kathoolschen is de Hillige-Familie-Kark in Oosterholt-Scharmbeek tostännig.

De 5.600 m² grote Karkhoff Hülsbarg is utgangs de Johren 1920 anleggt worrn un to Anfang von de Johren 1930 sünd dor de eersten Lüüd begraven worrn.

Wapen[ännern | Bornkood ännern]

Dat Wapen von Hülsbarg wiest över en grönen Schildfoot — mit blaue Wellenlien dor op — op blauen Grund en brunen Barg un dor över twee gröne Bläder un rode Frücht von en Hülsbusch.

Dat Wapen is en sprechendes Wapen (Hüls + Barg), dat för den Naam von’n Oort steiht.

Oortsvörsteihers[ännern | Bornkood ännern]

  • opstunns: Klaus Sass

Kultur[ännern | Bornkood ännern]

Op’n Karkhoff steiht ok en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Hülsbarg hett en egene freewillige Füürwehr, de 1940 grünnt worrn is.

Verkehr[ännern | Bornkood ännern]

Dör Hülsbarg löppt de Kreisstraat 46, de in’n Westen na Garlst an de Landsstraat 135 (fröhere Bundsstraat 6) ran geiht un in’n Süden na Oosterholt-Scharmbeek un an de B 74 ran. Na Noorden geiht von de K 46 de K 16 af, de na Büttel un Ohlenst löppt.

De nächste Autobahn is de Autobahn 27 (Afsnidd BremenBremerhoben). De Opfohrt 14 Swonewebel liggt so 13 Kilometer in’n Süüdwesten von Hülsbarg.

De nächste Bahnhoff is so bi söven Kilometer wied weg in’n Oosten de Bahnhoff Olenbüttel an de Bahnlien Bremen–Bremerhoben.

Scholen[ännern | Bornkood ännern]

Dat Schoolgebüüd von de Volksschool in Hülsbarg is 1913 boot worrn. 1990 hett de School denn dichtmaakt. Vondaag is dor dat Dörpgemeenschopshuus in ünnerbröcht.

Literatur[ännern | Bornkood ännern]

  • Klaus-Peter Schulz: Chronik Hülseberg. Saade, [1988]

Footnoten[ännern | Bornkood ännern]

  1. Hauptsatzung von de Stadt Oosterholt-Scharmbeek, § 8
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
  3. C. H. Jansen: Statistisches Handbuch des Königreichs Hannover. 1824, Sied 306: http://books.google.de/books?id=tG0AAAAAcAAJ&pg=PA306
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 151: http://books.google.de/books?id=eOI-AAAAcAAJ&pg=PA151
  5. http://www.gemeindeverzeichnis.de/gem1900/gem1900.htm?hannover/osterholz.htm
  6. a b c http://www.verwaltungsgeschichte.de/osterholz.html

Weblenken[ännern | Bornkood ännern]