Vörwohl

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Vörwohl
Laag vun Vörwohl in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04793
Geograafsche Laag:
Koordinaten:53° 18′ N, 8° 47′ O
53° 18′ N, 8° 47′ O

Vörwohl (hoochdüütsch Vorwohlde) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. Dat höört to de Oortschop Ohlenst mit bi.

Geografie[ännern | Bornkood ännern]

De Ohlenster Quellseen doot nich wied weg in’n Süüdwesten von’n Oort liggen.

De Naveröörd sünd Ax in’n Noorden, Schrum, Lübbs un Hambargen in’n Noordoosten, Olenbüttel in’n Oosten, Ströh un Sandhusen in’n Süüdoosten, Freißenbüttel in’n Süden, Büttel un Hülsbarg in’n Süüdwesten un Ohlenst in’n Noordwesten.

Historie[ännern | Bornkood ännern]

In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Kreis Oosterholt worrn.

De Oort is to Anfang von dat 20. Johrhunnert Deel von de Gemeen Ohlenst worrn. Vörher weer dat en egene Gemeen. An’n 1. März 1974 is dat tohoop mit Ohlenst Deel von de Gemeen Oosterholt-Scharmbeek worrn.

Inwahnertall[ännern | Bornkood ännern]

Johr Inwahners
1812-00-001812[1] 43
1824-00-001824[2] 7 Füürsteden
1848-00-001848[3] 44 Lüüd. 8 Hüüs
1910-12-011. Dezember 1910[4] 22

Religion[ännern | Bornkood ännern]

Vörwohl is evangeelsch-luthersch präägt un höört to dat Kaspel von de Willehadi-Kark in Scharmbeek.

För de Kathoolschen is de Hillige-Familie-Kark in Oosterholt-Scharmbeek tostännig.

Kultur[ännern | Bornkood ännern]

Verenen[ännern | Bornkood ännern]

De freewillige Füürwehr von Ohlenst is för Vörwohl mit tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Vörwohl liggt an de Kreisstraat 4, de in’n Süüdoosten över Olenbüttel na Spreddig an de Bundsstraat 74 ran geiht un in’n Noordwesten na Ohlenst.

De nächste Autobahn is de Autobahn 27. De Opfohrt 13 Uthleer liggt so 14 Kilometer in’n Westen von Vörwohl.

De nächste Bahnhoff is so bi dree Kilometer wied weg in’n Süüdoosten in Olenbüttel an de Bahnlien Bremen–Bremerhoben.

Scholen[ännern | Bornkood ännern]

De Kinner ut Vörwohl gaht na de Grundschool Heilshorn. De Grundschool Ohlenst, op de de Kinner vörher gahn sünd, hett mit dat Enn von dat Schooljohr 2016/2017 dichtmaakt.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
  2. C. H. Jansen: Statistisches Handbuch des Königreichs Hannover. 1824, Sied 628: http://books.google.de/books?id=tG0AAAAAcAAJ&pg=PA628
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
  4. http://www.gemeindeverzeichnis.de/gem1900/gem1900.htm?hannover/osterholz.htm