Schrum (Gemeen Hambargen)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Schrum
Laag vun Schrum in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Hambargen
Inwahners:
Postleettall: 27729
Vörwahl: 04793
Geograafsche Laag:
Koordinaten:53° 19′ N, 8° 48′ O
53° 19′ N, 8° 48′ O

Schrum (hoochdüütsch Schrum) is en lütten Oort in de Gemeen Hambargen (Samtgemeen Hambargen) in’n Landkreis Oosterholt, Neddersassen.

Geografie[ännern | Bornkood ännern]

De Oort liggt op de Oosterholter Geest in en Rebeed, in dat sik siede Wischen un Holt afwesselt. Dat Water ut dat Rebeed flütt över Gravens na’n Giehler Beek hen af.

De Naveröörd sünd Wohlthöben, Lübbs un Bullwinkel in’n Noordoosten, Hambargen in’n Oosten, Heilsdorp un Spreddig in’n Süüdoosten, Kiebitzsegen un Olenbüttel in’n Süden, Vörwohl, Büttel un Ohlenst in’n Süüdwesten un Biloh un Bremerhorn in’n Noordwesten.

Historie[ännern | Bornkood ännern]

Schrum is as lütten Anbo in de Feldmark von Hambargen grünnt worrn.

Verwaltungsgeschicht[ännern | Bornkood ännern]

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Kreis Oosterholt worrn.

De Oort hett al jümmer to de Gemeen Hambargen mit tohöört, de an’n 1. April 1937 düüdlich grötter worrn is un de ne’e Gemeen Hambargen billt hett.

Inwahnertall[ännern | Bornkood ännern]

Johr Inwahners
1885-12-011. Dezember 1885[1] 8 Lüüd. 1 Huus

Religion[ännern | Bornkood ännern]

Schrum is evangeelsch-luthersch präägt un höört to dat Kaspel von de Cosmae-un-Damiani-Kark in Hambargen. Fröher hett de Anbo to dat Kaspel von de Willehadi-Kark in Scharmbeek tohöört. To’n 1. Januar 1873 hett de Oort aver dat Kaspel wesselt, von wegen dat Hambargen veel dichter bi weer.[2]

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Schrum is de freewillige Füürwehr Hambargen mit tostännig.

Twüschen Schrum un Lübbs is 2016 von’n Bedriever wpd en Windpark mit söven Windrääd von’n Typ Enercon E101/3050 boot worrn, de tohoop en Leistung von 21,35 Megawatt hebbt.

Verkehr[ännern | Bornkood ännern]

De Straat dör Schrum löppt in’n Oosten na Hambargen an de Landsstraat 128 un de Bundsstraat 74 un in’n Süden an de Kreisstraat 4 ran. De K 4 föhrt in’n Westen na Ohlenst an de K 16 un in’n Oosten na Spreddig an de B 74. De B 74 geiht in’n Noordoosten över Kuhs an Gnarrenborg langs na Bremervöör un in’n Süüdwesten över Oosterholt-Scharmbeek un Hu’e na Bremen-Noord. De L 128 föhrt von Hambargen in’n Noorden na Beverst.

De nächste Autobahn is de Autobahn 27 (Afsnidd BremenBremerhoben). De Opfohrt 13 Uthleer an de K 48 liggt so 16 Kilometer in’n Westen von Schrum.

De nächste Bahnhoff is so bi veer Kilometer wied weg in’n Süden de Bahnhoff Olenbüttel an de Bahnlien Bremen–Bremerhoben. De Bahnlien löppt direkt an de Hüüs von Schrum langs.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167
  2. Amtsblatt für Hannover. Stück 51, 29. November 1872