Isehorn

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Isehorn
Laag vun Isehorn in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04795
Geograafsche Laag:
Koordinaten:53° 17′ N, 8° 44′ O
53° 17′ N, 8° 44′ O

Isehorn (hoochdüütsch Isehorn) is en Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört polietsch al von öllers bi Hülsbarg mit to.

Geografie[ännern | Bornkood ännern]

De Oort liggt op de Oosterholter Geest. Dat Water ut dat Rebeed flütt över de Drept af.

De Naveröörd sünd Haslah un Aßbarg in’n Noorden, Ohlenst in’n Noordoosten, Büttel in’n Oosten, Hülsbarg in’n Süüdoosten, Elm in’n Süden, Garlst in’n Süüdwesten un Brockmannsmöhlen un Hoop in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1850 to dat Gericht Hu’e tohöört un denn to dat Amt Oosterholt. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Gemeen Hülsbarg is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn un billt binnen de Gemeen nu en Oortschop.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 14
1824-00-001824[3] 2 Füürsteden
1848-00-001848[4] 12 Lüüd, 2 Hüüs
1871-12-011. Dezember 1871[5] 14 Lüüd, 2 Hüüs

Religion[ännern | Bornkood ännern]

Isehorn is evangeelsch-luthersch präägt un höört to dat Kaspel von de Willehadi-Kark in Scharmbeek.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Isehorn is över en lüttjere Straat anbunnen an de Kreisstraat 16, de in’n Noorden na Ohlenst geiht un dor mit de K 4 verbunnen is, de in’n Oosten an de Bundsstraat 74 ran föhrt. In’n Süden geiht de K 16 na Hülsbarg an de K 46. De K 46 wedder löppt in’n Süden na Oosterholt-Scharmbeek an de B 74 un in’n Westen na Garlst an de Landsstraat 135.

De nächste Autobahn is de Autobahn 27 (Afsnidd BremenBremerhoben). De Opfohrt 13 Uthleer liggt so 13 Kilometer in’n Noordwesten von Isehorn an de K 48 un de Opfohrt 15 Ihlpohl 15 Kilometer in’n Süden an de L 135.

De nächste Bahnhoff is so bi söven Kilometer wied weg in’n Oosten de Bahnhoff Olenbüttel an de Bahnlien Bremen–Bremerhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 123
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 320
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157