Haslah
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04795 | |
| Geograafsche Laag: | Koordinaten:53° 19′ N, 8° 44′ O53° 19′ N, 8° 44′ O | |
|
| ||
Haslah (hoochdüütsch Haslah) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört polietsch al von öllers bi Ohlenst mit bi.
Geografie[ännern | Bornkood ännern]
De Oort liggt op de Oosterholter Geest. In’n Süden von Haslah liggt dat Naturschuulrebeed Heid un Moor bi Haslah. Dat Water ut dat Rebeed flütt över dat Schaufleet na’n Giehler Beek hen af. Na Noorden to liggt de Waterscheed na de Gackau un na Süden un Westen hen na de Drept.
De Naveröörd sünd Harndorp in’n Noorden, Bremerhorn un Biloh in’n Noordoosten, Ohlenst, de Feldhoff un Aßbarg in’n Süüdoosten, Isehorn in’n Süden, Garlst un Brockmannsmöhlen in’n Süüdwesten, Hoop in’n Westen un Büggeln un Albst in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Scharmbeek in dat Amt Oosterholt tohöört un weer in disse Tied Deel von de Buurschop Ohlenst. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
De Gemeen Ohlenst is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn un billt binnen de Gemeen nu en Oortschop.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 1 Füürsteed |
| 1812[2] | 9 |
| 1824[3] | 2 Füürsteden |
| 1848[4] | 9 Lüüd, 1 Huus |
| 1. Dezember 1871[5] | 11 Lüüd, 2 Hüüs |
Religion[ännern | Bornkood ännern]
Haslah is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Von Haslah loopt lüttjere Straten na Noordwesten na Büggeln an de Kreisstraat 48 un na Süüdoosten na Ohlenst an de Kreisstraat 16. Över de K 48 is de Oort an de Landsstraat 135 bi Wolsbuddel anbunnen. De K 16 löppt in’n Süden över Hülsbarg na Oosterholt-Scharmbeek an de Bundsstraat 73 ran.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so acht Kilometer in’n Westen von Haslah an de K 48.
De nächsten Bahnhööv sünd so bi acht Kilometer wied weg an de Bahnlien Bremen–Bremerhoben de Bahnhoff Lübbst in’n Noordoosten un de Bahnhoff Olenbüttel in’n Süüdoosten.
Scholen[ännern | Bornkood ännern]
De Kinner ut Haslah gaht na de Grundschool Heilshorn. De Grundschool Ohlenst, op de de Kinner vörher gahn sünd, hett mit dat Enn von dat Schooljohr 2016/2017 dichtmaakt.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 97
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 250
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157