Brockmannsmöhlen

Vun Wikipedia
Wapen/Flagg Koort
hett keen Wapen
Brockmannsmöhlen
Laag vun Brockmannsmöhlen in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04795
Geograafsche Laag:
Koordinaten:53° 18′ N, 8° 42′ O
53° 18′ N, 8° 42′ O

Karte

Brockmannsmöhlen (hoochdüütsch Brockmannsmühlen) is en Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört polietsch von öllers bi Garlst mit bi.

Geografie[ännern | Bornkood ännern]

De Oort liggt op de Oosterholter Geest an dat Över von de Drept.

De Naveröörd sünd Hoop un Haslah in’n Noordoosten, Aßbarg, Feldhoff un Ohlenst in’n Oosten, Büttel un Isehorn in’n Süüdoosten, Garlst in’n Süden, Buggehorn un Vosloog in’n Süüdwesten un Hein, Wolsbuddel un Woldar in’n Noordwesten.

Historie[ännern | Bornkood ännern]

De Oort is as Watermöhl an de Drept anleggt worrn un kummt in dat 14. Johrhunnert toeerst in de Oorkunnen vör.

In’n Oosten un Süden üm de Möhl rüm liggt vondaag de Golfplatz Garlster Heid von’n Club zur Vahr ut Bremen. De Golfplatz is anleggt worrn, nadem de Möhlenbesitter Honnen an’n 25. November 1960 en Pachtverdrag över 99 Johr mit’n Club zur Vahr afslaten hett. De Golfplatz hett an’n 15. Juli 1965 apenmaakt. Toeerst mit 9 Löcker, 1963 denn mit 18 Löcker.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Scharmbeek in dat Amt Oosterholt tohöört un weer dor Deel von de Buurschop Garlst. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Gemeen Garlst is an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn un billt binnen de Gemeen nu to de Oortschop Garlst.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 19
1824-00-001824[3] 2 Füürsteden
1848-00-001848[4] 14 Lüüd, 2 Hüüs
1871-12-011. Dezember 1871[5] 15 Lüüd, 2 Hüüs

Religion[ännern | Bornkood ännern]

Brockmannsmöhlen is evangeelsch-luthersch präägt un höört to dat Kaspel von de Willehadi-Kark in Scharmbeek.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Brockmannsmöhlen is över en lüttjere Straat anbunnen an de Landsstraat 135 (fröher Deel von de Bundsstraat 6), de in’n Noordwesten över Hoop an Hagen langs op Bremerhoben to geiht un in’n Süden op de L 149 drippt un na Ihlpohl un Bremen-Noord geiht. In’n Oosten geiht de Kreisstraat 46 von Garlst ut na Hülsbarg un von dor na Oosterholt-Scharmbeek an de B 74.

De nächste Autobahn is de Autobahn 27 (Afsnidd BremenBremerhoben). De Opfohrt 13 Uthleer liggt üm un bi acht Kilometer wied weg in’n Noordoosten von Brockmannsmöhlen an de K 48.

De nächste Bahnhoff is so bi teihn Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 38
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 92
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156