Borgdamm
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 4,17 km² | |
| Inwahners: | 10.943 (2009) | |
| Inwahnerdicht: | 2.624,2 Inwahners pro km² | |
| Postleettall: | 28717, 28719 | |
| Vörwahl: | 0421 | |
| Geograafsche Laag: | Koordinaten:53° 10′ N, 8° 43′ O53° 10′ N, 8° 43′ O | |
| Grenzen bi OSM: | 1112214 
| |
|
| ||
Borgdamm (hoochdüütsch Burgdamm) is en Oortsdeel in’n Stadtdeel Borgleessem in Bremen.
Geografie
[ännern | Bornkood ännern]De Oort liggt op’n Rand von de Oosterholter Geest (Bremer Swiez) hen na de Maschen an de Leessem. Dat Water ut dat Rebeed flütt över Gravens un de Ihl na de Leessem af.
De Öörd ümto sünd Ihlpohl in’n Noorden, Hu’e in’n Noordoosten, Waterhorst in’n Süüdoosten, Borg un Grambkermoor in’n Süden un Leessem in’n Westen.
Historie
[ännern | Bornkood ännern]Borgdamm geiht trügg op de Brügg över de Leessem un den Damm, de de Stadt Bremen 1388 hett anleggen laten.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Leessem in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Dammvaagdie Borgdamm von dat Amt Oosterholt tohöört. 1852 hett dat Amt Oosterholt de Gemeen Borgdamm an dat Amt Leessem afgeven, dat 1859 al wedder oplööst worrn is un an dat Amt Blomendal keem. Na 1885 weer dat in’n Kreis Blomendal. 1932 is dat Deel von’n Kreis Oosterholt worrn.
De Oort is to’n 1. Juni 1936 Deel von de Gemeen Leessem worrn. Leessem is denn 1939 Deel von de Stadt Bremen worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 10 Füürsteden |
| 1812[2] | 42 |
| 1824[3] | 10 Füürsteden |
| 1848[4] | 75 Lüüd, 11 Hüüs |
| 1. Dezember 1871[5] | 903 Lüüd, 134 Hüüs |
| 1. Dezember 1885[6] | 1.246 Lüüd, 175 Hüüs |
| 1. Dezember 1905[7] | 1.560 Lüüd, 252 Hüüs |
| 1. Dezember 1910[8] | 1.592 |
Vörborgdamm:
| Johr | Inwahners |
|---|---|
| 1791[9] | 24 Füürsteden |
| 1812[10] | 129 |
| 1824[11] | 20 Füürsteden |
Religion
[ännern | Bornkood ännern]Borgdamm is evangeelsch-luthersch präägt un höört to dat Kaspel von de Martin-Kark in Leessem.
För de Kathoolschen is de St.-Birgitta-Kark in Marßel tostännig, de siet 1. September 2012 to de Karkengemeen von de Hillige Familie in Oosterholt-Scharmbeek höört. Bevör de St.-Birgitta-Kark 1972 boot worrn is, hett Borgdamm to de Gemeen von de St.-Peter-un-Paul-Kark in Leessem höört, de dat siet 1965 geven harr. Noch fröher hett dat Rebeed to de Gemeen von de St.-Marien-Kark in Blomendal tohöört.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Leessem bi de Kark.[12]
Verenen
[ännern | Bornkood ännern]De Schüttenvereen Leessem-Borgdamm is 1842 grünnt worrn.
Weertschop un Infrastruktur
[ännern | Bornkood ännern]Borgdamm hett en egene freewillige Füürwehr. De Sprüttenverband Borgdamm is an’n 30. Januar 1895 grünnt worrn. Ut den Verband is later de Füürwehr worrn.
Verkehr
[ännern | Bornkood ännern]De Opfohrt 16 Bremen-Noord op de Autobahn 27/270 liggt an’n Noordrand von Borgdamm an de B 74.
De Oort hett mit’n Bahnhoff Borg en egen Bahnhoff an de Bahnlienen Bremen–Bremerhoben un Vesack–Bremen. De Bahnhoff liggt ganz an’n Süüdrand von’n Oortsdeel.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 43
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 106
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 104
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
- ↑ Inwahnertallen op gemeindeverzeichnis.de
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 237
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 106
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 626
- ↑ Onlineprojekt Gefallenendenkmäler