Mairie Leessem

Vun Wikipedia
Zur Navigation springen Zur Suche springen

De Mairie Leessem weer in de Franzosentied (1810 bet 1813) een von de veer Mairien, in de de Kanton Vesack indeelt weer. De Seet weer in Leessem. Se harr 2233 Inwahners.[1]

Historie[ännern | Bornkood ännern]

De Ümgegend von Leessem hett vör de Franzosentied to de Gerichten Leessem-Schönebeck un Hu’e un de Dammvaagdie Borgdamm von dat Amt Oosterholt in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Leessem een von de negen Mairien in’n Kanton Hu’e von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Leessem weer nu een von de veer Mairien in’n Kanton Vesack, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to söven Mairien höört harrn: de Mairien Leessem, Borgdamm, St. Magnus, Werschenreeg, Stendörp un Platjenwarf ut’n Kanton Hu’e un de Mairie Schönebeck ut’n Kanton Blomendal. Von de Mairie Werschenreeg is blots de Oort Ihlpohl an de Mairie Leessem gahn, de Rest keem an de Mairie Hu’e. Von de Mairie Stendörp keem de Oort Stendörp, de Rest güng an de Mairie Hu’e.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemenen Swonewebel un Hu’e un de Stadt Bremen.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 106
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 13