Wollah
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27721 | |
| Vörwahl: | 0421 | |
| Geograafsche Laag: | Koordinaten:53° 12′ N, 8° 41′ O53° 12′ N, 8° 41′ O | |
|
| ||
Wollah (hoochdüütsch Wollah) is en Dörp in de Gemeen Hu’e in’n Landkreis Oosterholt, Neddersassen.
Geografie
[ännern | Bornkood ännern]De Oort liggt op de Oosterholter Geest. Dat Water ut dat Rebeed flütt na de Schönebecker Au hen af.
De Naveröörd sünd Heilshoorn un Stendörp in’n Noordoosten, Ihlpohl in’n Süüdoosten, Platjenwarf in’n Süden, Bentloog un Holthorst in’n Süüdwesten, Stubben un Lüchtenborg in’n Westen un Habichthorst, Korbeck un Brundörp in’n Noordwesten.
Historie
[ännern | Bornkood ännern]Nadem in Leendaal 1232 dat Klooster Leendaal grünnt worrn is, is dat Klooster 1234 na Wollah ümtagen. De Bremer Arzbischop Hartwig II. harr hier üm 1188 för 130 Mark en Hoff von Wilkino de Mercele köfft. He harr do al plaant, dor en Klooster to grünnen, aver dor is nix na kamen. Arzbischop Gerhard II. hett den Hoff in Wollah denn dat Klooster schenkt, wat 1235 rechtskräftig worrn is. Aver al 1235 is dat Klooster wedder ümtagen na Leessem, üm denn 1241 doch wedder na Wollah to tehn. Later hett dat Klooster denn aver wedder dat Land bi Leendaal utboot un is 1262 kumplett na Leendaal ümtagen. 1264 hett dat Klooster Land mit Arzbischop Hildbold tuuscht un den Hoff in Wollah afgeven.
Aktiv in de Oorkunnen kummt Wollah dormit 1235 as Wolda in de Oorkunnen vör. Indirekt seggt de Oorkunn aver, dat de Hoff al 1188 bestahn hett, as Hartwig II. em köfft hett.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Leessem in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to’n Bezirk Leessem von dat Gericht Leessem-Schönebeck tohöört, von 1852 bet 1859 to dat Amt Leessem un denn von 1859 bet 1885 to dat Amt Blomendal. Na 1885 weer dat in’n Kreis Blomendal, de 1932 Deel von’n Kreis Oosterholt worrn is.
Wollah is 1928 Deel von de Gemeen Stendörp worrn. Düsse Gemeen wedder is denn an’n 1. März 1974 mit de Gemeenreform in Neddersassen Deel von de Gemeen Hu’e worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 8 Füürsteden |
| 1812[2] | 62 |
| 1824[3] | 6 Füürsteden |
| 1848[4] | 40 Lüüd, 6 Hüüs |
| 1. Dezember 1871[5] | 40 Lüüd, 6 Hüüs |
| 1. Dezember 1885[6] | 42 Lüüd, 6 Hüüs |
| 1. Dezember 1905[7] | 47 Lüüd, 6 Hüüs |
| 1. Dezember 1910[8] | 75 |
Religion
[ännern | Bornkood ännern]Wollah is evangeelsch-luthersch präägt un höört to dat Kaspel von de Martin-Kark in Leessem.
För de Kathoolschen is de St.-Birgitta-Kark in Marßel tostännig, de siet 1. September 2012 to de Karkengemeen von de Hillige Familie in Oosterholt-Scharmbeek höört. Bevör de St.-Birgitta-Kark 1972 boot worrn is, hett de Oort to de Gemeen von de St.-Peter-un-Paul-Kark in Leessem höört, de dat siet 1965 geven harr. Noch fröher hett dat Rebeed to de Gemeen von de St.-Marien-Kark in Blomendal tohöört.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Leessem an de Kark.[9]
Weertschop un Infrastruktur
[ännern | Bornkood ännern]För Wollah is de freewillige Füürwehr Stendörp mit tostännig.
Verkehr
[ännern | Bornkood ännern]Von Wollah löppt en Straat na Oosten an de Landsstraat 135, de in’n Noorden de L 149 krüüzt un denn över Heilshoorn un Garlst na Hagen un Bremerhoben geiht un in’n Süden na Ihlpohl un bi Borgdamm an de Bundsstraat 74 ran.
De nächste Autobahn is de Autobahn 27 (Afsnidd Bremen–Bremerhoben). De Opfohrt 15 Ihlpohl liggt so dree Kilometer in’n Süüdoosten von Wollah an de K 37.
De nächste Bahnhoff is so bi söss Kilometer wied weg in’n Süden de Bahnhoff Leessem an de Bahnlien Vesack–Bremen.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 258
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 106
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 172
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
- ↑ Inwahnertallen op gemeindeverzeichnis.de
- ↑ Onlineprojekt Gefallenendenkmäler