Kanton Blomendal

De Kanton Blomendal weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Blomendal.

Historie[ännern | Bornkood ännern]

De Ümgegend von Blomendal hett vör de Franzosentied to dat Amt Blomendal un de Gerichten Leessem-Schönebeck un Swonewebel höört. Blots de Oort Hinnbeek keem ut Süüd-Oosterstood in dat Amt Hagen. Düsse Rebeden weren all in dat Hartogdom Bremen, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Kanton Blomendal een von de 13 Kantons in’n Distrikt Bremervöör von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Blomendal is opdeelt worrn op de Mairien Vesack, Blomendal, Swonewebel un Leessem in’n Kanton Vesack, Distrikt Bremerleh, Departement von de Wersermünnen.

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.