Hinnebeck

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Hinnebeck
Laag vun Hinnebeck in Düütschland
Basisdaten
Bundsland: Neddersassen
Landkreis: Oosterholt
Gemeen: Swonewebel
Flach: 4,21 km²
Inwahners: 260 (2012-06-3030. Juni 2012)
Inwahnerdicht: 61,8 Inwahners pro km²
Hööchd: 2 m över NHN
Postleettall: 28790
Vörwahl: 04209
Geograafsche Laag:
Koordinaten:53° 15′ N, 8° 34′ O
53° 15′ N, 8° 34′ O

Hinnebeck (hoochdüütsch Hinnebeck) is en Dörp in de Gemeen Swonewebel in’n Landkreis Oosterholt, Neddersassen. Binnen de Gemeen billt de Oort en egen polietsche Oortschop.

Bi Hinnebeck höört ok de lüttje Oortsdeel Hinnebeckerforth.

Geografie[ännern | Bornkood ännern]

De Oort liggt op’n Rand von de Oosterholter Geest hen na de Masch von Oosterstood. Dat Water ut dat Rebeed flütt över Gravens un Fleten af na dat Hinnebecker Fleet un na’n Aschwardener Floodgraven. Düsse Waterlööp fleet all in de Werser, de fiev Kilometer in’n Westen von Hinnebeck langsflütt.

De Naveröörd sünd Meyenborg in’n Noordoosten, Schukamp, Vorbarg un Koppelbarg in’n Süüdoosten, Vörbrook, Ne’enkarken un Stellerbrook in’n Süüdwesten un Rade, Hassel, Aschwarden un Brook in’n Noordwesten.

Historie[ännern | Bornkood ännern]

Hinnebeck kummt 1236 toeerst in de Oorkunnen vör.

In’n Eersten Weltkrieg sünd acht Soldaten ut Hinnebeck fullen oder vermisst un in’n Tweten Weltkrieg negen.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Swonewebel in’n Kanton Blomendal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Swonewebel in’n Kanton Vesack.

De Oort hett vör 1885 to’n Bezirk Süüd-Oosterstood von dat Amt Hagen tohöört. 1885 is de Oort in’n Kreis Blomendal wesselt. 1932 is dat Deel von’n Kreis Oosterholt worrn.

De Oort weer fröher en egenstännige Gemeen. Mit de Gemeenreform in Neddersassen an’n 1. März 1974 is düsse Gemeen Deel von de Gemeen Swonewebel worrn. Hinnebeck billt nu binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[2] 41 Füürsteden
1812-00-001812[3] 250
1824-00-001824[4] 41 Füürsteden
1848-00-001848[5] 237 Lüüd. 45 Hüüs
1871-12-011. Dezember 1871[6] 256 Lüüd. 46 Hüüs
1885-12-011. Dezember 1885[7] 212 Lüüd. 42 Hüüs
1905-12-011. Dezember 1905[8] 201 Lüüd. 39 Hüüs
1910-12-011. Dezember 1910[9] 205
1925-00-001925[10] 215
1933-00-001933[10] 209
1939-00-001939[10] 193

Religion[ännern | Bornkood ännern]

Hinnebeck is evangeelsch-luthersch präägt un höört to dat Kaspel von de Johannes-Kark in Swonewebel. Dat is aver eerst siet 1. Januar 1961 so. Vörher hett de Oort jümmer to de Nikolai-Kark in Brook tohöört.

För de Kathoolschen is de St.-Marien-Kark in Blomendal tostännig.

Dat Dörp hett en egen Karkhoff mit Kapell, de an de Eck Hinnebecker Straat/Bargstraat liggt un 1864 inricht worrn is.

Oortsvörsteihers[ännern | Bornkood ännern]

  • ~1982: Johann Nordenholz
  • opstunns: Johann Ficken

Kultur[ännern | Bornkood ännern]

In Hinnebeck steiht en Denkmaal för de Fullenen ut de twee Weltkrieg’.

En Dörpgemeenschopshuus för Hinnebeck is 1984 inwieht worrn.

Verenen[ännern | Bornkood ännern]

De Inwahners von dat Dörp hebbt sik in en Vereen organiseert, de den Naam Dörpgemeenschop Hinnebeck driggt. Wat annere Verenen angeiht, maakt de Hinnebeckers bi de Verenen von de Naveröörd mit.

Weertschop un Infrastruktur[ännern | Bornkood ännern]

Hinnebeck hett en egene freewillige Füürwehr, de an’n 4. Januar 1903 grünnt worrn is.

Elektrischen Stroom hett dat Dörp siet 1921.

Verkehr[ännern | Bornkood ännern]

Von Hinnebeck föhrt de Kreisstraat 32 in’n Süüdoosten na Koppelbarg an de Landsstraat 134. De L 134 wedder föhrt in’n Noorden över Meyenborg un Uthleer na Hagen un in’n Süden na Swonewebel un na Blomendal (Bremen-Noord). Lüttjere Straten gifft dat von Hinnebeck in’n Noordwesten na Brook un Aschwarden an de K 2 un in’n Süüdwesten na Vörbrook un Ne’enkarken.

De nächste Autobahn is de Autobahn 27 (Afsnidd BremenBremerhoben). De Opfohrt 14 Swonewebel liggt so söven Kilometer in’n Süüdoosten von Hinnebeck an de L 149.

De nächste Bahnhoff is negen Kilometer wied weg in’n Süüdwesten de Bahnhoff Farge an de Bahnlien Farge–Vesack. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht. Von 1911 bet 1931 hett dat ok op de Nedderwerserbahn Personenverkehr geven. De Bahnhoff Aschwarden weer in düsse Tied söss Kilometer in’n Noordwesten.

Scholen[ännern | Bornkood ännern]

De eerste School in dat Dörp is 1775 anleggt worrn. 1862 is en neet Schoolhuus boot worrn. 1970 hett de School aver dichtmaakt. Vondaag gaht de Schölers ut dat Dörp na de Heidschool in Swonewebel.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 107
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 106
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 278
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 170
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de