Brook (Landkreis Oosterholt)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Brook
Laag vun Brook in Düütschland
Basisdaten
Bundsland: Neddersassen
Landkreis: Oosterholt
Gemeen: Swonewebel
Inwahners:
Postleettall: 28790
Vörwahl: 04296
Geograafsche Laag:
Koordinaten:53° 17′ N, 8° 33′ O
53° 17′ N, 8° 33′ O

Brook (hoochdüütsch Bruch) is en Dörp in de Gemeen Swonewebel in’n Landkreis Oosterholt, Neddersassen. Binnen de Gemeen höört de Oort to de polietsche Oortschop Aschwarden.

Geografie[ännern | Bornkood ännern]

De Oort liggt in de Masch von de Ünnerwerser. Dat Water ut dat Rebeed flütt över Karkfleet un Krusenhelmer Fleet in’n Aschwardener Floodgraven un denn wieder in’n Rechten Blangenarm von de Werser.

De Naveröörd sünd Uthleer un Seedörp in’n Noordoosten, Meyenborg in’n Süüdoosten, Hinnebeck un Ne’enkarken in’n Süden, Rade un Hassel in’n Süüdwesten, Aschwarden in’n Westen un Wortfleet un Rechtebe in’n Noordwesten.

Historie[ännern | Bornkood ännern]

Brook kummt 1269 as Broke toeerst in de Oorkunnen vör. In de Oorkunn warrt von Sifridus sacerdos de Broke un Rudolphus Clericus quondam Plebanus in Broke snackt. Sacerdos un plebanus sünd latiensche Utdrück för twee verscheden Soorten Preester. To de Tied hett de Kark in Brook also al bestahn.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Aschwarden in’n Kanton Hagen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Weersbe in’n Kanton Hagen.

De Oort hett vör 1885 to’n Bezirk Süüd-Oosterstood von dat Amt Hagen tohöört. Na 1885 is de Oort in’n Kreis Blomendal wesselt. 1932 is dat Deel von’n Kreis Oosterholt worrn.

De Oort hett von öllers bi de Gemeen Aschwarden mit bihöört. De Gemeen Aschwarden is an’n 1. März 1974 mit de Gemeenreform in Neddersassen Deel von de Gemeen Swonewebel worrn. Sietdem höört Brook binnen de Gemeen to de Oortschop Aschwarden.

Inwahnertall[ännern | Bornkood ännern]

Johr Inwahners
1791-00-001791[1] 11 Füürsteden
1812-00-001812[2] 79
1824-00-001824[3] 12 Füürsteden
1848-00-001848[4] 59 Lüüd. 11 Hüüs
1871-12-011. Dezember 1871[5] 85 Lüüd. 12 Hüüs
1885-12-011. Dezember 1885[6] 79 Lüüd. 12 Hüüs
1905-12-011. Dezember 1905[7] 74 Lüüd. 12 Hüüs

Religion[ännern | Bornkood ännern]

Brook is evangeelsch-luthersch präägt un billt mit de Nikolai-Kark en egen Kaspel.

För de Kathoolschen is de St.-Ansgar-Kark in Swonewebel tostännig.

De Karkhoff von Brook liggt rund üm de Nikolai-Kark.

Kultur[ännern | Bornkood ännern]

En Denkmaal för de Fullenen ut’n Tweten Weltkrieg steiht in Brook bi de Kark.[8]

Weertschop un Infrastruktur[ännern | Bornkood ännern]

För Brook is de freewillige Füürwehr Aschwarden mit tostännig.

Verkehr[ännern | Bornkood ännern]

Von Brook föhrt Straten in’n Westen na Aschwarden an de Kreisstraat 2, in’n Noordoosten na Uthleer an de Landsstraat 134, in’n Oosten na Meyenborg ok an de L 134 un in’n Süüdoosten na Hinnebeck an de K 32. De L 134 löppt von Uthleer in’n Noordoosten na Hagen, Braamst, Bokel, Stubben un Beverst un von Meyenborg in’n Süden na Swonewebel un Blomendal. De K 2 geiht von Aschwarden in’n Süden na Rade un Ne’enkarken un in’n Noorden (dor in’n Landkreis Cuxhoben as K 49) na Wortfleet un Rechtebe.

De nächste Autobahn is de Autobahn 27 (Afsnidd BremenBremerhoben). De Opfohrt 13 Uthleer liggt so söss Kilometer in’n Noordoosten von Brook an de K 48.

De nächste Bahnhoff is so bi 13 Kilometer wied weg in’n Süden de Bahnhoff Farge an de Bahnlien Farge–Vesack. Dor föhrt de Lien RS1 von de Regio-S-Bahn Bremen/Neddersassen. De Bahnhoff Lübbs an de Bahnlien Bremen–Bremerhoben liggt 19 Kilometer in’n Noordoosten.

Scholen[ännern | Bornkood ännern]

De Kinner ut Brook gaht na de Grundschool Ne’enkarken. Bet 1970 sünd se noch na de Volksschool in Aschwarden gahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 39
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 92
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 170
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
  8. Onlineprojekt Gefallenendenkmäler