Beckdorp

Vun Wikipedia
Wapen/Flagg Koort
Wapen unbekannt
Beckdorp
Laag vun Beckdorp in Düütschland
Basisdaten
Bundsland: Neddersassen
Landkreis: Oosterholt
Gemeen: Swonewebel
Flach: 5,704 km²
Inwahners: 1.413 (2007-06-3030. Juni 2007)
Inwahnerdicht: 247,7 Inwahners pro km²
Postleettall: 28790
Vörwahl: 0421
Geograafsche Laag:
Koordinaten:53° 11′ N, 8° 36′ O
53° 11′ N, 8° 36′ O

Karte

Beckdorp (hoochdüütsch Beckedorf) is en Dörp in de Gemeen Swonewebel in’n Landkreis Oosterholt, Neddersassen. To Beckdorp höört ok de lüttje Oort Wölpsche un Vollershagen mit bi.

Geografie[ännern | Bornkood ännern]

Beckdorp liggt twüschen de beiden Beken Blomendaler Au in’n Noordwesten un den Beckdorper Beek in’n Süüdoosten. De beiden doot in’n Süüdwesten bi Blomendal tohoopfleten. In’n Oosten von dat Dörp liggt dat Bremer Naturschuulrebeed Hammersbeker Wischen.

De Naveröörd sünd Swonewebel mit Kreienmoor in’n Noorden, Eggst un Löhnhorst in’n Noordoosten un Leuchtenborg in’n Oosten. In’n Süden un Westen is Beckdorp von de Stadt Bremen mit de Stadtdelen Aumund-Hammersbeek (in’n Süüdoosten), Fähr-Lobbendörp (in’n Süden), Blomendal (in’n Süüdwesten) un Lüssum-Bockhorn (in’n Noordwesten) ümslaten.

Historie[ännern | Bornkood ännern]

Beckdorp kummt 1260 as Beketorpe toeerst in de Oorkunnen vör.

In de Franzosentied von 1810 bet 1814 hett de Oort to de Mairie Blomendal in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Amt Blomendal tohöört un denn von 1852 bet 1859 to dat Amt Lesum. Na 1859 hett dat wedder to dat Amt Blomendal höört. Nadem dat Amt Blomendal 1885 oplööst worrn is, hett de Oort to’n Kreis Blomendal höört. 1932 is dat Deel von’n Landkreis Oosterholt worrn.

1954 het de Gemeenraad von Beckdorp en Andrag stellt, dat de Oort en Deel von Bremen warrt. Dat het de Landsregeren von Neddersassen 1956 aver aflehnt.

De Oort is an’n 1. März 1974 Deel von de Gemeen Swonewebel worrn. Binnen de Gemeen Swonewebel hett de Oort nu en Oortsraad mit söven Maten.

In’n Eersten Weltkrieg sünd 21 Soldaten ut Beckdorp fullen oder vermisst un in’n Tweten Weltkrieg 38.[1]

Inwahnertall[ännern | Bornkood ännern]

Johr Inwahners
1812-00-001812[2] 69
1824-00-001824[3] 14 Füürsteden
1848-00-001848[4] 121 Lüüd, 20 Hüüs
1910-12-011. Dezember 1910[5] 391
1933-00-001933[6] 441
1939-00-001939[6] 477

Religion[ännern | Bornkood ännern]

Beckdorp is evangeelsch-luthersch präägt un höört to dat Kaspel von de Christophorus-Kark in Aumund. De Christophorus-Kark is 1958 grünnt worrn. Von 1874 bet 1958 hett Beckdorp to de Kark Aumund höört. Vörher weer dat in dat Kaspel von de Martinskark in Lesum.

För de Kathoolschen is de St.-Marien-Kark in Blomendal tostännig.

Oortsraad[ännern | Bornkood ännern]

Oortsraad
Johr \ Partei Tall CDU SPD
2006 7 3 4
2011 7 3 4
2016 7 4 3
Liddmaten
  • 2016:
    CDU: Martin Kai Köpke, Christoph Röse, Martina Tipold, Rudolf Tosonowski
    SPD: Herbert Bauer, Tobias Bothmann, Lüder Kreft

Oortsbörgeremeesters[ännern | Bornkood ännern]

  • –31. Oktober 2011: Karin Koopmann (SPD)
  • 1. November 2011–31. Oktober 2016: Kirsten Limberg-Kalka (SPD)
  • 1. November 2016–: Rudolf Tosonowski (CDU)

Kultur[ännern | Bornkood ännern]

In Beckdorp steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

As freewillige Füürwehr is för Beckdorp de Füürwehr Leuchtenborg mit tostännig. De Blomendaler Schüttenvereen von 1843 hett sien Seet in Beckdorp.

Museums[ännern | Bornkood ännern]

De ole Wildhacksche Dörpsmeed, de siet 1812 besteiht, is siet 1996 in en Smeedmuseum ümwannelt.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Beckdorp löppt de Kreisstraat 33, de in’n Noordwesten na Lüssum-Bockhorn geiht un wieder na Swonewebel. In’n Noordoosten geiht de K 33 na Löhnhorst. Ans föhrt en Straat in’n Süden na Fähr-Lobbendörp un in’n Süüdwesten en Straat na Blomendal.

De nächste Autobahn is de Autobahn 270. De Opfohrt 4 Vesack-Midd liggt so twee Kilometer in’n Süüdoosten von Beckdorp. Na de A 27 sünd dat in’n Noordoosten söss Kilometer.

De Bahnhoff Klinikum Bremen-Noord/Beckdorp an de Bahnlien Farge–Vesack liggt so bi twee Kilometer wied weg in’n Süden. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht.

Scholen[ännern | Bornkood ännern]

Beckdorp hett en egen Kinnergoorn un Grundschool. Op de Grundschool Beckdorp gaht ok de Kinner ut Löhnhorst un Leuchtenborg.

Footnoten[ännern | Bornkood ännern]

  1. http://www.denkmalprojekt.org/2008/schwanewede-beckedorf_wk1u2_ns.htm
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 106: http://books.google.de/books?id=Q 5OAAAAcAAJ&pg=PA106
  3. C. H. Jansen: Statistisches Handbuch des Königreichs Hannover. 1824, Sied 44: http://books.google.de/books?id=tG0AAAAAcAAJ&pg=PA44
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  5. http://www.gemeindeverzeichnis.de/gem1900/gem1900.htm?hannover/blumenthal.htm
  6. a b http://www.verwaltungsgeschichte.de/osterholz.html