Blomendaler Au

Vun Wikipedia
Blomendaler Au
Laag Bremen/Landkreis Oosterholt
Stroomsystem Werser
Born bi Brundörp
Münn in Blomendal in de Werser
linke Blangenströöm Beckdorper Beek
rechte Blangenströöm Brundorfer Beeke, Eggestedter Beeke, Eckhofsgraben
de Au in Blomendal
De Au in de Neegd von de A 270

De Blomendaler Au is en Beek, de von rechts in de Werser münnt.

De Born von de Blomendaler Au liggt twüschen Brundörp un Heilshorn. Von dor flütt de Beek na Süüdwesten, an Brundörp langs un nimmt von rechts de Brundörper Beek op. De Au geiht denn ünner de Autobahn 27 ünnerdör. Na de A 27 liggt op dat rechte Över Eggst. Dor nimmt de Blomendaler Au de Eggster Beek op un en kort Enn later den Eckhoffsgraven.

An dat rechte Över lett de Beek de Öörd Kreienmoor, Swonewebel un Lüssum-Bockhorn liggen un op dat linke Över Hogehorst, Löhnhorst un Beckdorp. Bi Lüssum-Bockhorn billt de Au ok för en Stück de Grenz twüschen de Bundslänner Bremen un Neddersassen. De Blomendaler Au flütt denn an’n Löh langs, ünner de Autobahn 270 ünnerdör un dat letzte Stück dör den Oort Blomendal. Bi Borg Blomendal münnt von links de Beckdorper Beek. Denn münnt de Blomendaler Au in de Werser. De Münn is mit en Schöppwark sekert.

Dat Water in de Werser flütt wieder in de Noordsee.

Weblenken[ännern | Bornkood ännern]

Blomendaler Au. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 11′ N, 8° 35′ O