Langenfeld (Landkreis Cuxhoben)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04748 | |
| Geograafsche Laag: | Koordinaten:53° 23′ N, 8° 44′ O53° 23′ N, 8° 44′ O | |
|
| ||
Langenfeld (hoochdüütsch Langenfelde) is en lütten Oort in de Gemeen Beverst in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Bokel.
Geografie
[ännern | Bornkood ännern]De Oort liggt op’n Rand von de Oosterholter Geest hen na dat Moor. Dat Water ut dat Rebeed flütt in’n Westen över’n Kraansmoorer Schippgraven na de Gackau hen af un in’n Oosten över’n Wandsbeek na de Luun.
De Naveröörd sünd Hollenerkamp in’n Noorden, Bokel in’n Noordoosten, Hassbüttel in’n Oosten, Loh in’n Süüdoosten, Harndorp in’n Süden, Braamst un Gackau in’n Süüdwesten, Kraansmoor in’n Westen un Heis in’n Noordwesten.
Historie
[ännern | Bornkood ännern]De Oort Langenfeld is in dat 19. Johrhunnert anleggt worrn, as op dat lange Feld in de Feldmark von Bokel ne’e Hüüs anleggt worrn sünd. In dat 20. Johrhunnert is de Oort to en lütt Dörp ranwussen.
Verwaltungsgeschicht
[ännern | Bornkood ännern]De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort hett al jümmer bi de Gemeen Bokel mit bihöört, de siet 1971 Maat von de Samtgemeen Beverst weer. Gemeen un Samtgemeen bestünnen bet to’n 1. November 2011. An dissen Dag is de Samtgemeen in en Eenheitsgemeen ümwannelt worrn un Bokel hett sien Status as egenstännige Gemeen verloren. Sietdem höört Langenfeld binnen de Gemeen to de Oortschop Bokel, de en egen Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 9 Lüüd, 2 Hüüs |
| 1. Dezember 1885[2] | 84 Lüüd, 12 Hüüs |
| 1. Dezember 1905[3] | 14 Lüüd, 2 Hüüs |
Religion
[ännern | Bornkood ännern]Langenfeld is evangeelsch-luthersch präägt un höört to dat Kaspel von de Jacobi-Kark in Braamst.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
Kultur
[ännern | Bornkood ännern]Verenen
[ännern | Bornkood ännern]De Schüttenvereen Kraansmoor-Langenfeld is 1951 grünnt worrn un de Sportvereen Sportgemeenschop Langenfeld 1954.
Weertschop un Infrastruktur
[ännern | Bornkood ännern]För Langenfeld is de freewillige Füürwehr Bokel mit tostännig.
Verkehr
[ännern | Bornkood ännern]An Langenfeld löppt de Landsstraat 134 langs, de in’n Noordoosten över Bokel un Stubben na Beverst an de Bundsstraat 71 geiht un in’n Süüdwesten över Braamst na Hagen un Uthleer. In’n Süüdoosten föhrt de Kreisstraat 43 över Loh na Ax un Lübbs.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt so twölv Kilometer in’n Westen von Langenfeld an de K 51.
De nächste Bahnhoff is so bi fiev Kilometer wied weg in’n Noordoosten de Bahnhoff Stubben an de Bahnlien Bremen–Bremerhoben.
Scholen
[ännern | Bornkood ännern]De Volksschool in Langenfeld is 1903 grünnt worrn. Vörher harr dat al siet 1893 Ünnerricht in en Schüün an de hüdige Middelstraat 16 geven. Se hett bet 1975 bestahn. Von 1973 bet 1978 weer dor ok en Speelkreis ünnerbrocht.
Vondaag gaht de Kinner ut Langenfeld op de Grundschool Bokel.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50