Walter zur Nieden

Vun Wikipedia
Zur Navigation springen Zur Suche springen

Paul Felix Walter zur Nieden (* 23. Dezember 1869 in Berlin; † 12. Dezember 1937 ok dor) weer en düütschen Beamten. He weer in de DVP in.

Zur Nieden hett Rechts- un Staatswetenschop in Berlin un Franzöösch un Literatur in Lausanne studeert. In’n Januar 1897 hett he de Staatsprüfung bestahn un is denn von 1898 bet 1900 Regerungsassesser in dat Landraadsamt von’n Kreis Mettmann in Vohwinkel wesen. 1904 weer he bi’n Regerungsbezirk Koblenz för de Renten von de Veteranen ut’n Krieg von 1870/1871 un för de Moselfähren tostännig. Nadem Friedrich von Scherenberg dat Amt as Landraad von’n Kreis Mettmann afgeven hett, is zur Nieden 1904 toeerst kommissarsch un an’n 28. Dezember denn ok richtig Landraad worrn.

As de Kreis Mettmann 1929 oplööst worrn is, keem zur Nieden as Landraad na’n Kreis Geestmünn. 1932 is de Kreis Geestmünn mit’n Kreis Leh to’n Kreis Wersermünn tohoopgahn un zur Nieden weer denn ok Landraad in dissen ne’en Kreis. In’n April 1935 is he denn in Pension gahn un na Berlin tagen.

Zur Nieden weer siet 1901 mit Ella Schött verheiraadt. Sien Dochter Ellen is 1902 un sien Söhn Herbert 1903 boren. He is 1937 doodbleven un liggt in Vohwinkel begraven.

Literatur[ännern | Bornkood ännern]

  • Klaus Otto Nass: Ein preußischer Landrat in Monarchie, Demokratie und Diktatur - Lebenserinnerungen des Walter zur Nieden. BWV-Verlag, Berlin 2006, ISBN 978-3-8305-1119-9