Westerbeverst

Vun Wikipedia
Zur Navigation springen Zur Suche springen
Wapen/Flagg Koort

Wapen vun Westerbeverst

Westerbeverst
Laag vun Westerbeverst in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Inwahners:
Postleettall: 27616
Vörwahl: 04748
Geograafsche Laag:
Koordinaten:53° 26′ N, 8° 45′ O
53° 26′ N, 8° 45′ O

Fackwarkhuus in Beverst
Fackwarkhuus in Beverst (vondaag afreten)

Westerbeverst (hoochdüütsch Westerbeverstedt) is en Dörp in de Gemeen Beverst in’n Landkreis Cuxhoben, Neddersassen. Binnen de Gemeen billt dat Dörp tohoop mit Freeschluunbarg de polietsche Oortschop Luunst.

Bi Westerbeverst höört ok de lüttje Oort Plumpsfort mit bi.

Geografie[ännern | Bornkood ännern]

De Oort liggt op de Wersermünner Geest. Dat Water ut dat Rebeed flütt över Dohrener Beek un Luun af.

De Naveröörd sünd Heerst in’n Noorden, Loh, Dohren un Heyerhöben in’n Noordoosten, Wachholt un Beverst in’n Oosten, Deelbrügg, Huh un Stubben in’n Süüdoosten, Bokel in’n Süden, Hollen un Oberheis in’n Süüdwesten, Freeschluunbarg in’n Westen un Stinst in’n Noordwesten.

Historie[ännern | Bornkood ännern]

Westerbeverst kummt 860 to’n eersten Maal in de Oorkunnen vör. De Naam duukt in de Schrift Miracula Willehadi över de Wunners an Willehad sien Graff op, en Wunnergeschicht, in de en blinne Fro an’t Graff vun’n eersten Bremer Bischop Willehad in’n Bremer Doom ehr Ogenlicht wedderkregen hebben schall.

In’n Eersten Weltkrieg sünd 18 Soldaten ut Westerbeverst fullen oder vermisst un in’n Tweten Weltkrieg 55.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to de Huusvaagdie Bexhöv in dat Gericht Beverst tohöört, von 1851 bet 1859 to dat Amt Beverst un denn von 1859 bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort weer fröher en egen Gemeen un is 1968 mit Freeschluunbarg to de Gemeen Luunst tohoopleggt worrn. De Gemeen Luunst weer denn von 1971 bet 2011 Maat von de Samtgemeen Beverst. To’n 1. November 2011 is de Samtgemeen to de Eenheitsgemeen Beverst tohoopleggt worrn. Sietdem billt Luunst en Oortschop mit egen Oortsvörsteiher binnen de Gemeen.

Inwahnertall[ännern | Bornkood ännern]

Johr Inwahners
1791-00-001791[2] 29 Füürsteden
1812-00-001812[3] 134
1824-00-001824[4] 29 Füürsteden
1848-00-001848[5] 211 Lüüd. 40 Hüüs
1871-12-011. Dezember 1871[6] 267 Lüüd. 50 Hüüs
1885-12-011. Dezember 1885[7] 270 Lüüd. 52 Hüüs
1905-12-011. Dezember 1905[8] 334 Lüüd. 54 Hüüs
1910-12-011. Dezember 1910[9] 368
1925-00-001925[10] 544
1933-00-001933[10] 576
1939-00-001939[10] 561

Religion[ännern | Bornkood ännern]

Westerbeverst is evangeelsch-luthersch präägt un höört to dat Kaspel von de Ansgari-Kark in Freeschluunbarg. De Kark is 1966 boot un 1987 egenstännige Karkengemeen worrn. Vörher hett de Oort to dat Kaspel von de Jacobi-Kark in Braamst tohöört.

För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.

Dat Dörp hett en egen Karkhoff an de Westerbeverster Straat, de 1871 anleggt worrn is. Vörher sünd de Doden bi de Kark in Beverst begraven worrn.

Wapen[ännern | Bornkood ännern]

Dat Wapen von Westerbeverst wiest op grönen Grund en gollen Bever mit roden Klauen un baven achtern en gollen Steern mit söven Tacken.

Dat Wapen hett de Heraldiker Albert de Badrihaye utklamüsert. Dat steiht as Sinnbild för den Naam von’n Oort. De Avendsteern steiht dorbi för den Westen.

Kultur[ännern | Bornkood ännern]

In Westerbeverst steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Kriegervereen Westerbeverst is 1914 grünnt worrn. De Turnvereen TV Westerbeverst hett sik 1898 grünnt un is 1966 mit’n TV Freeschluunbarg un VfL Westerbeverst to’n TSV Westerbeverst tohoopgahn. Ok en Schüttenvereen besteiht in Westerbeverst.

Weertschop un Infrastruktur[ännern | Bornkood ännern]

För Freeschluunbarg is de freewillige Füürwehr Luunst tostännig, de sik 1972 ut de beiden Füürwehren von Freeschluunbarg un Westerbeverst billt hett. De eerste Füürwehr in Westerbeverst is 1902 as Deel von’n Turnvereen (Turner-Füürwehr) grünnt worrn. Dat is aver nich richtig in Gang kamen un dorüm hett sik 1905 en freewillige Füürwehr grünnt, de von’n Turnvereen unafhängig weer.

Verkehr[ännern | Bornkood ännern]

Dör Westerbeverst löppt de Kreisstraat 44, de in’n Westen na Freeschluunbarg an de K 45 geiht un in’n Süüdoosten na Deelbrügg an de L 134 ran. Von Freeschluunbarg föhrt de K 45 in’n Noorden na Heerst na de Bundsstraat 71 un in’n Süüdwesten över Hollen, Heis un Wittst na de Landsstraat 135. De B 71 löppt von Heerst in’n Noordwesten över Bexhöv na Wulsdörp (Bremerhoben) un in’n Oosten över Beverst un Basdaal na Bremervöör. De L 134 geiht von Deelbrügg in’n Süüdwesten över Stubben un Bokel na Braamst un Hagen.

De nächste Autobahn is de Autobahn 27 (Afsnidd BremenBremerhoben). De Opfohrt 9 Wulsdörp liggt so 13 Kilometer in’n Noordwesten von Westerbeverst an de B 71.

Mit’n Bahnhoff Luunst an de Bahnlien Bremerhoben–Buxthu een Kilometer in’n Westen in Freeschluunbarg is de Oort direkt an’n Bahnverkehr anslaten.

Scholen[ännern | Bornkood ännern]

De Kinner gaht na de Grundschool Luunst, de in Westerbeverst liggt.

Literatur[ännern | Bornkood ännern]

  • Wilhelm Stölting: Westerbeverstedt, 1100 Jahre Geschichte eines niedersächsischen Dorfes. Sülvsverlag, Westerbeverst 1960
  • Arnold Plesse: Lunestedter Chronik, Freschluneberg und Westerbeverstedt – Ein Dorf mit Zukunft. Gemeen Luunst 2009

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 24
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 56
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Westerbeverst. Mehr Biller, Videos oder Audiodateien to’t Thema gifft dat bi Wikimedia Commons.