Bever (Heraldik)

Vun Wikipedia
Zur Navigation springen Zur Suche springen

De Bever is as Wapendeert en Wapenfigur von de Heraldik. De Bever warrt stark stiliseert dorstellt. De Steert warrt as Kennteken faken besünners ruthoven, üm em von annere stiliseerte Deerten to ünnerscheden. Faken warrt de Steert mit Schuppen dorstellt. De Bever kann all Klören annehmen, aver swart is de wichtigste Klöör. Von de Postuur her löppt oder stiggt de Bever mehrstendeels. Faken hett he as Attribut en Stück Holt in’t Muul. Ok Bevers mit en Kroon op’n Kopp kaamt fakener in Wapens vör. Faken warrt de Bever in dat Wapen ok as Sinnbild för den Naam von en Oort bruukt, to’n Bispeel bi Bevern, Biberach an der Riß, Markt Bibart oder Bièvres.

Literatur[ännern | Bornkood ännern]

  • Walter Leonhard: Das große Buch der Wappenkunst. Entwicklung, Elemente, Bildmotive, Gestaltung. Lizenzausgabe. Bechtermünz, Augsburg 2001, ISBN 3-8289-0768-7
  • Gert Oswald: Lexikon der Heraldik. VEB Bibliographisches Institut, Leipzig 1984

Weblenken[ännern | Bornkood ännern]

Commons-logo.svg Bevers in de Heraldik. Mehr Biller, Videos oder Audiodateien to’t Thema gifft dat bi Wikimedia Commons.