Imßen (Oortschop)
Imßen (hoochdüütsch Imsum) is en Oortschop von de Gemeen Geestland in’n Landkreis Cuxhoben, Neddersassen.
To de Oortschop tellt de dree Öörd Imßen, Dingen un Weddewarderbüttel un de Hoff Barward to.
Geografie
[ännern | Bornkood ännern]De Oortschop grenzt in’n Noorden an de Oortschop Wreem von de Gemeen Wuster Noordseeküst, in’n Oosten an de Oortschop Langen, in’n Süüdoosten an’n Oortsdeel Speckenbüttel von de Stadt Bremerhoben un in’n Süden an’n Bremerhobener Stadtdeel Weddewarden.
Historie
[ännern | Bornkood ännern]De Oortschop geiht trügg op dat Kaspel von de Bartelmees-Kark in Imßen. Dor hebbt fröher de Öörd Imßen, Dingen, Weddewarden, Weddewarderbüttel, Brinkamahoff un Leps tohöört. Dat Kaspel weer toglieks de polietsche Gemeen. Leps is bi en Stormflood in de Noordsee ünnergahn un Weddewarden un de Brinkamahoff sünd 1927 an Bremerhoben fullen. De dree Öörd, de nableven sünd, hebbt de Gemeen Imßen billt. De Gemeen hett sik 1971 de Samtgemeen Langen anslaten.
Mit de Gemeenreform in Neddersassen to’n 1. März 1974 is de Samtgemeen wedder oplööst worrn un de Gemenen, de dor in tohoopslaten weren, sünd mit de Gemenen von de Samtgemeen Niewohl to de Gemeen Langen tohoopgahn. Binnen de Gemeen Langen hett Imßen denn en Oortschop mit egen Oortsraad mit fiev Maten un en Oortsbörgermeester billt. Ok nadem de Gemeen Langen to’n 1. Januar 2016 mit de Samtgemeen Beers tohoopgahn un Deel von de Gemeen Geestland worrn is, billt Imßen wieder en Oortschop.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 596 Lüüd, 110 Hüüs |
| 1. Dezember 1871[2] | 624 Lüüd, 114 Hüüs |
| 1. Dezember 1910[3] | 735 |
| 1925[4] | 798 |
| 1933[4] | 346 |
| 1939[4] | 367 |
Oortsbörgermeesters
[ännern | Bornkood ännern]- 1986–: Günter Diekhoff (SPD)
Wapen
[ännern | Bornkood ännern]
Dat Wapen von Imßen wiest op grönen Grund över en sülvern Schildfoot en gollen Karkentoorn ahn Dack.
De Toorn is de Ossentoorn.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 146
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Koordinaten:53° 37′ N, 8° 32′ O
