Barward

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Barward
Laag vun Barward in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27607
Vörwahl: 0471
Geograafsche Laag:
Koordinaten:53° 37′ N, 8° 33′ O
53° 37′ N, 8° 33′ O

Barward (hoochdüütsch Barward) is en Wort in Land Wusten. De Hoff Barward liggt in de Gemeen Geestland in’n Landkreis Cuxhoben, Neddersassen.

Geografie[ännern | Bornkood ännern]

De Oort liggt in de Masch von Land Wusten. De Noordsee is twee Kilometer in’n Westen. Dat Water ut dat Rebeed flütt över Gravens af na’n Wallsgroov.

De Naveröörd sünd Mulsen in’n Noorden, Sievern in’n Noordoosten, Debst in’n Oosten, Langen un Speckenbüttel in’n Süüdoosten, Dingen un Imßen in’n Süüdwesten un Schottwarden, Hülsen, Ilkenbarg un Wremen in’n Noordwesten.

Historie[ännern | Bornkood ännern]

De Barward weer tohoop mit de Fallward un Feddersen Wierde een von de öllsten Worten in Land Wusten. Se hett dree Meter ut dat Rebeed ümto rutreckt. De Grenz twüschen dat Kaspel von de Willehadi-Kark in Wremen un de fröhere Bartelmees-Kark in Imßen löppt merrn över de Barward.

Verwaltungsgeschicht[ännern | Bornkood ännern]

De Oort weer vör 1852 in dat Süder-Veerdel von dat Kaspel Wremen un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.

Disse Hoff Barward, de to Wremen höört hett, is later wööstfullen. En Stück in’n Süden von de Wort is denn en ne’en Hoff anleggt worrn, de den Naam Barward wiederdragen hett. Disse Hoff leeg nu aver in de Gemeen un in dat Kaspel Imßen.

To’n 1. Januar 2015 is de Gemeen Imßen oplööst un Deel von de ne’e Gemeen Geestland worrn.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1824-00-001824[2] 1 Füürsteed
1871-12-011. Dezember 1871[3] 7 Lüüd, 1 Huus

Religion[ännern | Bornkood ännern]

De hüdige Hoff is evangeelsch-luthersch präägt un höört to dat Kaspel von de Zion-Kark in Weddewarden.

För de Kathoolschen is de Hillig-Hart-Jesu-Kark in Bremerhoben-Leh tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Hoff Barward liggt an de Barwarder Straat/Noorderweg, de in’n Süüdwesten in Dingen an de Landsstraat 129 ennt un in’n Süüdoosten in Langen an de Landsstraat 135. De L 129 geiht in’n Noorden na Wremen, Mulsen un Dorum un in’n Süüdoosten na Weddewarden un Speckenbüttel. De L 135 löppt von Langen ut in’n Noorden na Sievern, Holsseln un Millm un in’n Süden na de Bremerhobener Stadtdelen Speckenbüttel un Leh.

De nächste Autobahn is de Autobahn 27 (Afsnidd BremerhobenCuxhoben). De Opfohrt 6 Bremerhoben-Överseehavens liggt so acht Kilometer in’n Süüdoosten von’n Hoff an de Cherbourger Straat.

De nächsten Bahnhööv sünd an de Bahnlien Bremerhoben–Cuxhoben. De Bahnhoff Wremen in’n Noordwesten un de Bahnhoff Leh in’n Süüdoosten doot all beid üm un bi acht Kilometer wied weg liggen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 17
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 40
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154