Dingen (Landkreis Cuxhoben)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Dingen

Dingen
Laag vun Dingen in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27607
Vörwahl: 0471
Geograafsche Laag:
Koordinaten:53° 37′ N, 8° 32′ O
53° 37′ N, 8° 32′ O

Luftbild von dat Dörp Dingen, von Süüdwesten keken (2013)

Dingen (hoochdüütsch Dingen) is en Dörp in de Gemeen Geestland in’n Landkreis Cuxhoben, Neddersassen. De Oort höört von öllers bi dat Kaspel Imßen bi un is vondaag binnen de Gemeen Geestland Deel von de Oortschop Imßen.

Bi Dingen höört ok de Hoff Barward mit to.

Geografie[ännern | Bornkood ännern]

De Oort liggt in de Masch in’n Süden von Land Wusten un is en beten mehr as een Kilometer von de Butenwerser/Noordsee af. Dat Water ut dat Rebeed flütt över Gravens na’n Wallsgroov hen af.

De Naveröörd sünd Sievern in’n Noordoosten, Langen in’n Oosten, Speckenbüttel in’n Süüdoosten, Weddewarden in’n Süden, Weddewarderbüttel in’n Süüdwesten, Imßen in’n Westen un Schottwarden, Hülsen, Ilkenborg un Wreem in’n Noordwesten.

Historie[ännern | Bornkood ännern]

Nadem de Oort Weddewarden 1927 an Bremerhoben fullen is, bestünn de polietsche Gemeen Imßen, de sik ut dat Kaspel Imßen billt harr, blots noch ut dat Dörp Dingen un de twee temlich lüttjen Öörd Imßen un Weddewarderbüttel. Dorüm is denn faken ok dat Dörp Dingen eenfach blots Imßen nöömt worrn.

De Windmöhl an’n Süüdrand von dat Dörp keem in dat 17. Johrhunnert toeerst in de Oorkunnen vör un is na 1945 afreten worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wreem in’n Kanton Dourm höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett bet 1852 to dat Kaspel Imßen in dat Vaagdiegericht Land Wusten tohöört. Von 1852 bet 1885 weer dat in dat Amt Dorum un denn in’n Kreis Leh. Von 1932 bet 1977 hett de Oort to’n Kreis Wersermünn höört un sietdem to’n Landkreis Cuxhoben.

As Deel von de Gemeen Imßen weer de Oort von 1971 bet 1974 in de Samtgemeen Langen. Mit de Gemeenreform in Neddersassen an’n 1. März 1974 is dat Rebeed Deel von de Gemeen Langen worrn. De Gemeen Langen wedder is to’n 1. Januar 2015 mit de Gemenen von de Samtgemeen Beers tohooptogahn un hett de ne’e Gemeen Geestland billt.

Inwahnertall[ännern | Bornkood ännern]

Johr Inwahners
1791-00-001791[1] 60 Füürsteden
1812-00-001812[2] 233
1824-00-001824[3] 53 Füürsteden
1848-00-001848[4] 269 Lüüd. 51 Hüüs
1871-12-011. Dezember 1871[5] 264 Lüüd. 48 Hüüs

Religion[ännern | Bornkood ännern]

Dingen is evangeelsch-luthersch präägt. Bet 1877 sünd de Lüüd ut Dingen in Imßen na de Bartelmees-Kark gahn. In dat Johr is de Zionkark in Weddewarden trech worrn, wat nu de Kark von dat Kaspel Imßen is.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Imßen is 1924 grünnt worrn un de TSV Imßen 1892. De Verenen verstaht sik all beid as Vereen för all Öörd von dat ole Kaspel.

Weertschop un Infrastruktur[ännern | Bornkood ännern]

De freewillige Füürwehr för dat Kaspel Imßen is an’n 17. März 1934 grünnt worrn. Vörher harr dat al en Plichtfüürwehr geven.

Verkehr[ännern | Bornkood ännern]

Dingen liggt an de Landsstraat 129, de in’n Noorden na Wreem, Mulsen, Dourm un Millm geiht un in’n Süüdoosten över Weddewarden na Speckenbüttel. Von Dingen ut na Oosten löppt de Noorderweg, de in Langen an de L 135 ran geiht.

De nächste Autobahn is de Autobahn 27 (Afsnidd BremerhobenCuxhoben). De Opfohrt 6 Bremerhoben-Överseehavens liggt so negen Kilometer in’n Süüdoosten von Dingen an de Cherbourger Straat un de Opfohrt 5 Debst teihn Kilometer in’n Oosten an de L 120.

De nächsten Bahnhööv sünd an de Bahnlien Bremerhoben–Cuxhoben. De Bahnhoff Wreem is so bi söven Kilometer wied weg in’n Noordwesten un de Bahnhoff Leh üm un bi acht Kilometer in’n Süüdoosten. Bet 1975 harr Dingen ok sülvs en lütten Bahnhoff an disse Bahnlien.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 56
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 134
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 146
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153