Ilkenbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27638 | |
| Vörwahl: | 04705 | |
| Geograafsche Laag: | Koordinaten:53° 38′ N, 8° 31′ O53° 38′ N, 8° 31′ O | |
|
| ||
Ilkenbarg (hoochdüütsch Ilkenburg) is en Hoff in de Gemeen Wuster Noordseeküst in’n Landkreis Cuxhoben, Neddersassen. De Hoff höört to Hülsen un is polietsch von öllers Deel von Wremen. De Hoff is ok Hülser Büttel nöömt worrn.
Geografie
[ännern | Bornkood ännern]De Oort liggt in de Masch von Land Wusten. De Noordsee is üm un bi 500 Meter in’n Westen.
De Naveröörd sünd Wremerbüttel un Wremen in’n Noorden, Sievern in’n Noordoosten, Debst, Langen un Dingen mit’n Hoff Barward in’n Süüdoosten, Imßen in’n Süden, Schottwarden un Hülsen in’n Süüdwesten un Eckleh un Hoof in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort weer vör 1852 in dat Süder-Veerdel von dat Kaspel Wremen un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
To’n 1. Januar 2015 is de Gemeen Wremen oplööst un Deel von de ne’e Gemeen Wuster Noordseeküst worrn.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 3 Lüüd, 1 Huus |
Religion
[ännern | Bornkood ännern]Ilkenbarg is evangeelsch-luthersch präägt un höört to dat Kaspel von de Willehadi-Kark in Wremen.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dicht bi Ilkenbarg langs löppt de Landsstraat 129, de in’n Noordoosten na Wremen, Mulsen, Dorum un Millm geiht un in’n Süüdoosten över Dingen un Weddewarden na Speckenbüttel. Von Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 6 Bremerhoben-Överseehavens liggt so 13 Kilometer in’n Süüdoosten von Ilkenbarg an de Cherbourger Straat.
De nächste Bahnhoff is so bi dree Kilometer wied weg in’n Noordoosten de Bahnhoff Wremen an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
