Hülsen (Land Wusten)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hülsen
Laag vun Hülsen in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27638
Vörwahl: 04705
Geograafsche Laag:
Koordinaten:53° 38′ N, 8° 31′ O
53° 38′ N, 8° 31′ O

Hülsen (hoochdüütsch Hülsing) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Wremen mit bi.

Geografie[ännern | Bornkood ännern]

De Oort liggt in de Masch von Land Wusten. De Noordsee is en poor hunnert Meter in’n Westen.

De Naveröörd sünd Eckeleh, Wremerbüttel un Wremen in’n Noorden, Sievern in’n Noordoosten, Debst, Langen un Dingen in’n Süüdoosten, Imßen un Schottwarden in’n Süden un Hoof mit Hungerhörn in’n Noordwesten. De Hoff Ilkenbarg, de fröher ok Hülser Büttel nöömt worrn is, liggt direkt an’n Noordoost-Rand von Hülsen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wremen in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort weer vör 1852 in dat Süder-Veerdel von dat Kaspel Wremen un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.

To’n 1. Januar 2015 is de Gemeen Wremen oplööst un Deel von de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1791-00-001791[1] 15 Füürsteden
1812-00-001812[2] 46
1824-00-001824[3] 12 Füürsteden
1871-12-011. Dezember 1871[4] 48 Lüüd. 10 Hüüs

Religion[ännern | Bornkood ännern]

Hülsen is evangeelsch-luthersch präägt un höört to dat Kaspel von de Willehadi-Kark in Wremen.

För de Kathoolschen is de Hillig-Hart-Jesu-Kark in Bremerhoben-Leh tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Hülsen löppt de Landsstraat 129, de in’n Noordoosten na Wremen, Mulsen, Dorum un Millm geiht un in’n Süüdoosten över Dingen un Weddewarden na Speckenbüttel. Von Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.

De nächste Autobahn is de Autobahn 27 (Afsnidd BremerhobenCuxhoben). De Opfohrt 6 Bremerhoben-Överseehavens liggt so 13 Kilometer in’n Süüdoosten von Hülsen an de Cherbourger Straat.

De nächste Bahnhoff is so bi dree Kilometer wied weg in’n Noordoosten de Bahnhoff Wremen an de Bahnlien Bremerhoben–Cuxhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 118
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 306
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154