Leps (Land Wusten)

Vun Wikipedia
Zur Navigation springen Zur Suche springen

Leps (hoochdüütsch Lebstedt) weer en Buurschop an de Butenwerser in Land Wusten, dat bi en Stormflood ünnergahn is.

Geografie[ännern | Bornkood ännern]

De Öörd in de Ümgegend weren Wremen, Schottwarden, Imßen, Dingen, Weddewarderbüttel un Weddewarden. De exakte Laag von’n Oort is nich mehr bekannt. Wohrschienlich leeg he in’n Westen von Schottwarden un Dingen.

Historie[ännern | Bornkood ännern]

In en Oorkunn von 1091, in de teihn Fresen ehren Besitt an dat Arzbisdom Bremen överdregen hebbt un dat as Lehn trüggkregen, kummt tohoop mit Widewrde (Weddewarden), Immeshen (Imßen) un Boutli (Wedderwarderbüttel) en Oort Luppinge vör. Wohrschienlich weer dor Leps mit meent.[1]

Dat Dörp is in de Wiehnachtsfloot an’n 25. Dezember 1717 in dat Water von Noordsee un Werser ünnergahn. De Inwahners, de nich in de Flood verdrunken sünd, sünd denn in dat Rebeed von Wremen tagen. Vondaag is de Naam von dat ole Dörp noch in den Floornaam Lepser Veerdel bewohrt. Dat is en Floorstück, dat nu to Wremen höört.[2]

Religion[ännern | Bornkood ännern]

Leps weer evangeelsch-luthersch präägt un hett to dat Kaspel von de Bartelmees-Kark Imßen höört.

Footnoten[ännern | Bornkood ännern]

  1. Volker Gabriel: Rechts- und Gerichtswesen im Lande Wursten vom Ausgang des Mittelalters bis ins 17. Jahrhundert. Berlin 2005, Sied 24
  2. ut de Kröönk von Pastoor Burgstaller in Imßen