Cappel (Neddersassen)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Cappel

Cappel
Laag vun Cappel in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Flach: 8,26 km²
Inwahners: 726 (2011-12-3131. Dezember 2011)
Inwahnerdicht: 87,9 Inwahners pro km²
Hööchd: 3 m över NN
Postleettall: 27632
Vörwahl: 04741
Geograafsche Laag:
Koordinaten:53° 44′ N, 8° 34′ O
53° 44′ N, 8° 34′ O
Noordholt (Oortschop)Cappel (Neddersassen)MillmWremenMulsen (Land Wusten)DorumPadingbüddelMisselwarden
Laag von Cappel in de Gemeen Wuster Noordseeküst (Koort lett sik anklicken)

Cappel (hoochdüütsch Cappel) is en Dörp un billt en Oortschop binnen de Gemeen Wuster Noordseeküst in’n Landkreis Cuxhoben in Neddersassen. As lüttjere Oortslagen höört ok Olendiek un Nedderstreek mit to Cappel.


Geografie[ännern | Bornkood ännern]

Cappel liggt in dat Land Wusten in de Masch so bi veer Kilometer von de Noordsee af.

De Naveröörd sünd Spiek in’n Noorden, Millm in’n Oosten, Kraansborg un Südermarrn in’n Süüdoosten, Dorum in’n Süden, Padingbüttel un Padingbüttler Olendiek in’n Süüdwesten un Dorumer Neefeld in’n Westen.

Historie[ännern | Bornkood ännern]

De Oort kummt 1269 toeerst in en Verdrag twüschen Land Wusten un de Stadt Bremen vör.

Cappel hett vör 1885 to dat Amt Dorum tohöört. Na 1885 weer dat in’n Kreis Leh. 1932 is dat an’n Landkreis Wersermünn kamen un 1977 denn an’n Landkreis Cuxhoben.

Von 1974 af an hett Cappel to de Samtgemeen Land Wusten tohöört.

To’n 1. Januar 2015 is de Gemeen Cappel oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1824-00-001824[1] 48 Füürsteden
1848-00-001848[2] 737 Lüüd. 127 Hüüs
1858-00-001858[3] 778
1910-12-011. Dezember 1910[4] 743
1933-00-001933[5] 712
1939-00-001939[5] 915

Religion[ännern | Bornkood ännern]

Peter-un-Paul-Kark
Örgel von de Kark

Cappel is evangeelsch-luthersch präägt un billt mit de Peter-un-Paul-Kark en egen Kaspel. De Kark stammt ut dat 12. oder 13. Johrhunnert, is aver in’n Dezember 1810 afbrennt un denn wedder neet opboot worrn. De Örgel is 1679/1680 von Arp Snitger boot worrn un hett toeerst in dat Johannis-Klooster in Hamborg stahn. Nadem de ole Örgel in Cappel, de Georg Wilhelm Wilhelmi 1800/1801 boot harr, 1810 verbrennt is, hett Cappel 1816 disse Örgel ut Hamborg kregen (opboot von Johann Georg Wilhelm Wilhelmy un 1846 von em noch eens wedder utbetert). 1937 bet 1939 hett Paul Ott de Örgel denn noch wedder op Schick bröcht.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Politik[ännern | Bornkood ännern]

Gemeenraad (bet 2014)[ännern | Bornkood ännern]

Gemeenraad
Johr \ Partei Tall SPD CDU Linke
2001 9 6 3 -
2006 9 6 2 1
2011 9 6 2 1

Börgermeesters/Oortsvörsteihers[ännern | Bornkood ännern]

Börgermeesters:

-2006 Herbert Hamann SPD
2006-31. Dezember 2014 Rolf Bohlen SPD

Siet 1. Januar 2015 hett de Oortschop en Oortsvörsteiher:

1. Januar 2015– Rolf Bohlen SPD

Wapen[ännern | Bornkood ännern]

Dat Wapen vun Cappel wiest op blauen Grund op en grönen Rundbarg in’n Schildfoot de Peter-un-Paul-Kark in Sülver mit gollen Döör un en gollen Wederhahn op’n Karktoorn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Cappel liggt an de Kreisstraat 71, de in’n Noordwesten in Nedderstreek an de K 68 rangeiht un denn na Noordholt föhrt. In’n Oosten geiht de K 71 an de Landsstraat 129 ran, de wedder in’n Süden na Dorum un Wremen geiht un in’n Noordoosten na Millm an de L 135. De nächste Opfohrt op de Autobahn 27 (Afsnidd CuxhobenBremerhoben) is de Opfohrt 3 Noordholt bi Wanhöden, wat so bi acht Kilmoter weg is.

De nächste Bahnhoff is de Bahnhoff Dorum an de Bahnlien Bremerhoben–Cuxhoben un so bi söven Kilometer weg.

Literatur[ännern | Bornkood ännern]

  • Willy Hey: Ortschronik von Cappel.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 110: http://books.google.de/books?id=tG0AAAAAcAAJ&pg=PA110
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 146: http://books.google.de/books?id=eOI-AAAAcAAJ&pg=PA146
  3. Franz Heinrich Ungewitter: Neueste Erdbeschreibung und Staatenkunde. 1858, Sied 422: http://books.google.de/books?id=ZkoNAQAAIAAJ&pg=PA422
  4. http://www.gemeindeverzeichnis.de/gem1900/gem1900.htm?hannover/lehe.htm
  5. a b http://www.verwaltungsgeschichte.de/hadeln.html

Weblenken[ännern | Bornkood ännern]

Commons-logo.svg Cappel (Neddersassen). Mehr Biller, Videos oder Audiodateien to’t Thema gifft dat bi Wikimedia Commons.