Amt Braak

Vun Wikipedia
Zur Navigation springen Zur Suche springen
Wapen Koort
Laag von dat Amt Braak
Grunddaten
Bestandstietruum: 1814–1933
Seet: Braak
Flach: 226 km²
Inwahners: 19.366 (1910)
Inwahnerdicht: 86 (1910)
Updeelen: 8 Gemenen

Dat Amt Braak weer von 1814 bet 1933 en Amt in dat Groothertogdom Ollnborg un na 1918 in’n Freestaat Ollnborg mit Seet in Braak.

Geografie[ännern | Bornkood ännern]

In’n Noorden leeg dat Amt Butjadingen. In’n Oosten dee dat Amt an den Kreis Geestmünn un den Kreis Blomendal grenzen, de all beid in de Provinz Hannover in Prüßen weren. In’n Süden leeg dat Amt Elsfleth un in’n Westen dat Amt Varel.

Geschicht[ännern | Bornkood ännern]

Dat Amt Braak is bi de Verwaltungsreform 1814 in Ollnborg nee billt worrn. In’n Noorden leeg toeerst dat Amt Roonkarken, dat 1858 oplööst worrn is un in dat Amt Övelgönn övergüng. Dorbi hett dat Amt Braak Golzwarden von dat Amt Roonkarken tokregen un Strückhusen an dat Amt Övelgönn afgeven.

1879 sünd denn dat Amt Övelgönn un dat Amt Landwöörden oplööst un Deel von dat Amt Braak worrn.

1933 is dat Amt Braak mit dat Amt Butjadingen, dat Amt Elsfleth, de Gemeen Olenesch ut dat Amt Demost un de Gemenen Jaad un Sweiborg ut dat Amt Varel to dat ne’e Amt Wersermasch tohoopleggt worrn. Ut dat Amt Wersermasch is 1939 denn al de Landkreis Wersermasch worrn.

Amtlüüd[ännern | Bornkood ännern]

  • Johann Georg August Schwarz
  • 1824–1828: Christian Friedrich Ferdinand von Kettler
  • 1828–1854: Gerhard Friedrich Rasmus
  • 1854–1855: Julius Ludwig Eduard Erdmann
  • 1855–1872: Wilhelm Anton Strackerjan

Inwahnertall[ännern | Bornkood ännern]

Tied 1890 1900 1910 1925
Inwahners 17.469 17.938 19.366 19.843

Gemenen[ännern | Bornkood ännern]

De Gemenen von’t Amt Braak (Stand 1. Dezember 1910):

Gemeen Inwahners Gemeen Inwahners Gemeen Inwahners Gemeen Inwahners
Braak 5367 Deesdorp 1402 Golzwarden 2198 Hammelwarden 2815
Ovelgunn 551 Roonkarken 2481 Swei 1855 Struckhusen 2697