OsteWelle Hemmoor

Vun Wikipedia
Zur Navigation springen Zur Suche springen
Luftbild von 2012: See un Swemmbad sünd baven rechts to sehn

OsteWelle Hemmoor is de Naam von dat Swemmbad von de Stadt Hemmoor. Dat liggt in Basbeek na Warstood hen an de Bundsstraat 495 (Loomster Straat) un dicht bi’n Bahnhoff. De Swemmhall is 1975 boot worrn. 2011/2012 weer dat Bad för teihn Maand slaten un is saneert worrn. Dat hett denn an’n 21. Juli 2012 wedder apen maakt. Dorbi hett dat Bad denn ok den ne’en Naam OsteWelle Hemmoor kregen. Dat Saneren hett so bi 2,2 Millionen Euro köst.

Dat Bad hett dree Beckens. Dat grote Becken is 25×10 m groot un dat Nichswemmer-Becken is 10×10 m groot. Denn gifft dat noch en sied Becken för de ganz lütten Kinner. De SC Hemmoor bruukt dat Bad för den Swemmsport.

Bi dat Swemmbad höört ok dat Heidstrandbad bi. Dat is en Baadstrand an’n See, de bi dat Swemmbad liggt. De See hett sik ut en ole Toonkuhl billt, de mit Water vulllopen is. De See is 1,2 Hektar groot un bet to 12 Meter deep. Dat Strandbad hett al an’n 17. Juni 1956 dat eerste Maal apenmaakt.

De Toonkuhl is 1900 von de Firma Ploog ut Brunsbüttelkoog anleggt worrn. De Toon is mit en Feldbahn, de von Peer trocken worrn is, na de Oost un denn mit Scheep na Brunsbüttel bröcht worrn. Dor hebbt se den Toon denn wiederverarbeidt. De Toon is 20 Meter deep afboot worrn. In de Johren 1920 hett sik dat nich mehr lohnt un de Toonkuhl hett dichtmaakt. De Kuhl is denn mit Water vulllopen.

Weblenken[ännern | Bornkood ännern]


Koordinaten:53° 41′ N, 9° 10′ O