Caspar Christian Friedrich Friedrichs

Vun Wikipedia

Caspar Christian Friedrich Friedrichs (* 17. Dezember 1787 in Ilmenau; † 11. Februar 1849 in Veern) weer en düütschen Verwaltungsbeamten.

Friedrichs weer de Söhn von Melusine, borene Niemeyer (1764–1842), un den Oberamtmann Christian Friedrichs. He weer von’n 4. Mai 1803 af an op de Landsschool Pforta un hett sik an’n 18. April 1807 an de Universität Göttingen inschreven un dor bet 1809 Juristeree studeert. He weer Maat von de Landsmannschop Hannovera, de vör’n 18. Januar 1809 heemlich bestahn hett, un an’n 18. Januar 1809 Mitgrünner von dat Corps Hannovera.[1]

Na dat Studium güng he in’n hannöverschen Verwaltungsdeenst. He weer eerst Amtsauditer un denn Amtsassesser in dat Amt Polle. 1825 bet 1836 weer he Amtsassesser in dat Amt Harsfeld un denn von 1836 bet 1849 Amtmann von dat Amt Leh.

1842 hett Friedrichs en Riddergood in Sie’enborg köfft. Dor is he to’n Deputeerten von de Stännversammlung von de Graafschoppen Heien un Deefholt wählt worrn.

Friedrichs hett Christiane Antoinette Schrewe freet, de Dochter von’n Goodsbesitter Justus Friedrich Schrewe in Sie’enborg. De beiden harrn een Söhn un dree Döchter.

Footnoten[ännern | Bornkood ännern]

  1. Heinrich F. Curschmann: Blaubuch des Corps Hannovera zu Göttingen. Band 1: 1809-1899. Göttingen 2002, Nr. 9