Theodor Duesberg

Vun Wikipedia

Theodor Hermann Karl Maria Duesberg (ok Düesberg schreven; * 12. Mai 1837 in Mönster; † 4. April 1891 in Köln) weer en prüüßschen Verwaltungsbeamten un Politiker.

Duesberg is 1837 as Söhn von Theodora Mechthildis Augusta, borene Schmedding, un den Börgermeester Theodor Anton Aloysius Joseph Duesberg in Mönster boren.[1] He hett 1856 sien Abitur an dat Gymnasium Mönster maakt.[1] He hett an de Universität Bonn Juristeree studeert un weer dor Liddmaat von dat Corps Saxonia[2]. Ok an de Universitäten Heidelberg un Berlin weer he.[1]

He is an’n 6. September 1859 Auskultater worrn, an’n 14. November 1861 Gerichtsreferendar an dat Appellatschoonsgericht Mönster, an’n 26. Februar 1862 Regerungsreferendar bi’n Regerungsbezirk Koblenz un an’n 24. Juli 1866 Regerungsassesser. An’n 29. September 1866 is he na’n Regerungsbezirk Minnen wesselt.[1] In de Tied von 1859 bet 1860 weer Duesberg as Eenjohr-Freewilligen bi dat 1. Westfäälsche Infanterieregiment Nr. 13.[1] An’n 4. Februar 1869 is he toeerst kommissarsch un siet 14. Juli 1869 richtigen Landraad von’n Kreis Wienbrügge worrn.[3] Dat is he bet 1875 bleven. In dat Johr an’n 3. April hett de Präsident von’n Regerungsbezirk Minnen, Karl Friedrich Hermann von Eichhorn, en Andrag stellt, dat Duesberg versett warrn schall, von wegen, dat he in de Tied von’n Kulturkampf as Katholik nich toverlässig noog weer.[1] An’n 22. Januar 1876 is he Amtshauptmann von dat Amt Leh worrn un an’n 29. Januar ok Kreishauptmann von’n Stüürkreis Leh.[3] Düsse Ämter hett he bet 1882 behollen. He is denn an’n 2. August 1882 Regerungsraad bi’n Regerungsbezirk Koblenz worrn.[4] An’n 24. September 1890 is Duesberg denn Böverregerungsraad un Afdeeldirigent bi’n Regerungsbezirk Köln worrn.[1]

In de eerste Legislaturperiood von’n Rieksdag is Duesberg 1871 as Afornten von de Düütsche Riekspartei för den Wahlkreis Minnen 3 (Builefeld-Wienbrügge) wählt worrn un bet an dat Enn von de Legislaturperiood 1874 Afornten bleven.[5]

Duesberg hett an’n 23. Januar 1867 in Koblenz Katharine Luise Auguste Jordan (16. Juni 1843-1. August 1823) freet.

Footnoten[ännern | Bornkood ännern]

  1. a b c d e f g Kreis Gütersloh: Landräte 1816 bis 1988.
  2. Kösener Korpslisten 1910, 27, 198
  3. a b http://www.territorial.de/westfal/wiedenbr/landkrs.htm
  4. Peter Burg: Geschichte des Kreises Warendorf. 2004, Band 1, Deel 1, Sied 128
  5. Fritz Specht, Paul Schwabe: Die Reichstagswahlen von 1867 bis 1903. Eine Statistik der Reichstagswahlen nebst den Programmen der Parteien und einem Verzeichnis der gewählten Abgeordneten. 2. Oplaag, Verlag Carl Heymann, Berlin 1904, S. 137