Georg Friedrich Ludwig Brandt

Georg Friedrich Ludwig Brandt (* 27. März 1850 in Bodenwerder; † 4. August 1907 in Ragaz) weer en düütschen Verwaltungsbeamten un Politiker.

Brandt is 1850 in Bodenwerder boren un weer op dat Gymnasium Andreanum in Hilmssen. He hett Juristeree an de Universitäten Heidelberg, Leipzig, Berlin un Göttingen studeert. He hett 1873 sien Referendarexamen maakt un 1878 sien Assesserexamen. He weer Regerungsassesser in Göttingen un denn bi dat Polizeipräsidium Berlin.

Brandt is 1882 kommissarsch Kreishauptmann von’n Stüürkreis Leh worrn un 1883 richtigen Kreishauptmann. Ok Amtshauptmann von dat Amt Leh weer he. Dat is he bet to’n 1. April 1885 bleven, as de Kreis Geestmünn nee grünnt worrn is. He weer dor denn de eerste Landraad. Dat weer he bet 1891. Sien Nafolger weer Albert Dyes.

Von 1891 bet 1901 weer he vortragender Raad in dat Binnenministerium un harr den Rang von en Würklichen Gehemen Böverregerungsraad.

He is 1904 för den Wahlkreis Stood 4 (Leh-Geestmünn) as Afornten in dat Prüüßsche Aforntenhuus wählt worrn. Nadem Brandt 1907 doodbleven is, is na en Nawahl an’n 15. November 1907 Richard Witting för em as Afornten narückt.

Op de Trüggreis ut sien Urlaub in’t Engadin 1907 hett he en Hartslag kregen un is in Ragaz in de Swiez doodbleven.