Albert Dyes

Vun Wikipedia
Zur Navigation springen Zur Suche springen

Albert Dyes (* 1. Februar 1857; † 1938) weer en düütschen Verwaltungsbeamten.

Dyes is 1857 boren un hett an de Universität Heidelberg Juristeree studeert. He is 1879 Liddmaat von dat Corps Guestphalia Heidelberg worrn.[1] He hett en Dokter maakt un is na dat Studium in’n prüüßschen Staatsdeenst gahn. He weer von 1887 bet 1888 Regerungsreferendar bi’n Regerungbezirk Hilmssen. 1888 is he Regerungsassesser worrn. He weer bet 1891 bi’n Regerungbezirk Sleswig.

He is in’n März 1891 as Nafolger von Georg Friedrich Ludwig Brandt toeerst kommissarsch, later richtig, Landraad von’n Kreis Geestmünn worrn un dat bet 1910 bleven. Sien Nafolger weer Leopold Rademacher.

Na siene Tied as Landraad weer he Oberpräsidialraad bi de Provinz Hessen-Nassau in Kassel. Toletzt weer he dor Viezpräsident. In’n Eersten Weltkrieg hett Dyes sien Villa an’n Wienbarg in Kassel Verwunnte to Verfügung stellt. 1923 is he in Rohstand gahn. He hett bet to sien Dood in Harleshausen wahnt.

He hett an’n 11. April 1890 in Erfurt Hedwig Adelheit Luise Anna Marie von Müffling (* 29. Januar 1870; † 1945) freet. Se hebbt de Dochter Maria Agnes Charlotte Dyes (* 18. April 1891) hatt.

Footnoten[ännern | Bornkood ännern]

  1. Kösener Korpslisten 1910, 112, 902