Leopold Rademacher

Vun Wikipedia
Zur Navigation springen Zur Suche springen

Leopold Paul Theodor Rademacher (* 5. Juli 1864 in Werl; † 7. April 1935 in Wiesbaden) weer en düütschen Verwaltungsbeamten.

Rademacher is 1864 as Söhn von Elise (borene von Velsen) un Wilhelm Rademacher in Werl boren. He hett 1883 an dat Gymnasium Saust sien Abitur maakt un denn von 1883 bet 1886 Juristeree an de Universitäten Freiburg un Bonn studeert. 1887 hett he dat eerste Staatsexamen maakt un weer denn Gerichtsreferendar in Hamm, Werl, Saust, Düörpm un Mönster. Nadem he 1889 Regerungsreferendar worrn is, weer he bi de Regerung in Arensperg. Na dat twete Staatsexamen 1892 weer he Regerungsassesser bi dat Landraadsamt von’n Kreis Siegen un bi de Regerung in Koblenz. He is 1916 Gehemen Regerungsraad worrn.

He is 1900 as Nafolger von Max Duderstadt kommissarsch Landraad von’n Landkreis Westerburg worrn un 1901 denn richtigen Landraad. Sien Nafolger weer 1910 Karl Abicht. Von 1905 bet 1910 weer he ok Afornten in’n Provinziallanddag von de Provinz Hessen-Nassau. 1910 hett he de Rode Krüüzmedallje III. Klass kregen.

1910 is he as Nafolger von Albert Dyes Landraad von’n Kreis Geestmünn worrn un dat bet 1929 bleven. Sien Nafolger weer Walter zur Nieden. Von 1921 bet 1929 weer he ok staatlichen Polizeidirekter in Wersermünn. An’n 30. September 1929 is he in Rohstand gahn.

Rademacher hett an’n 14. April 1886 Wilhelmine Schleifenbaum freet.