Martin Steffens

Vun Wikipedia
Zur Navigation springen Zur Suche springen

Martin Steffens (* 7. August 1921 in Armsdörp; † 21. Juli 2009) weer en düütschen Politiker von de CDU.

Steffens is 1921 as Söhn von en Buur in Armsdörp boren. In’n Tweten Weltkrieg weer he Soldaat. He is 1948 in’n Gemeenraad von Armsdörp wählt worrn un weer von 1956 af an Maat von’n Kreisdag in’n Kreis Land Hadeln. Von 1964 af an weer he Börgermeester in Loomst un von 1963 bet 1986 ok Börgermeester von de Samtgemeen Loomst. As de Kreis Land Hadeln oplööst un Deel von’n Landkreis Cuxhoben worrn is, weer he dor ok in’n Kreisdag. Gliektiedig weer he von 1977 bet 1991 de Landraad von’n Landkreis Cuxhoben. Von 1977 bet 1991 weer he ok Kreisjägermeister.

Nadem Steffens 1949 bi en Kortgeschichten-Weddstried von de Niederdeutsche Zeitung mitmaakt harr, weer he mit den Rutgever Herbert Huster in Kuntakt kamen. Steffens hett denn bi de Niederelbe-Zeitung in’n Vertrieb arbeidt un harr in dat Bladd ok en egen plattdüütsche Kolumne mit’n Titel Jan-Hinnerk.

Steffens hett 1980 dat Verdeenstkrüüz an’t Band, in’n November 1992 dat Grote Verdeenstkrüüz von de Bundsrepublik Düütschland un 2000 dat Verdeenstkrüüz 1. Klass kregen. Ok den Ehrenring von’n Landkreis Cuxhoben hett he kregen un is för sien Verdeensten 1992 Ehrenlandraad worrn.