Fohrwier
En Fohrwier (m, Mehrtall: Fohrwieren) is en Wier, de een dorto bruukt, elektrische Fohrtüüch so as Iesenbahnen, Stratenbahnen oder ok Trolleybussen vun baven den elektrischen Stroom totoföhren. De Wier warrt mit Masten un Draagrepen so opspannt, dat he op de richtige Hööch is. Baven op de elektrischen Fohrtüüch finnt sik en Stroomafnehmer, de Kuntakt to den Fohrwier hett un dör den de Stroom to den Motor fleet.
De eersten elektrischen Bahnen (vun dat Johr 1879 af) kregen jemehr Stroom över de Fohrschenen oder över en drüdde Stroomscheen. 1881 hett een in Paris toeerst en Oort vun Fohrwier bruukt, de weer aver noch ut en Rohr maakt, dat ünnen en Slitz harr.
Bi Trolleybussen gifft dat keen Fohrschenen, de as tweete Leider den Stroom wedder afföhren köönt. Dor warrt sogor twee Fohrwieren bruukt.