Hogeschaar

Vun Wikipedia
(wiederwiest vun Hoge Schaar)
Zur Navigation springen Zur Suche springen
Wapen/Flagg Koort
hett keen Wapen
Hogeschaar
Laag vun Hogeschaar in Düütschland
Basisdaten
Bundsland: Hamborg
Bezirk: Hamborg-Midd
Stadtdeel: Willemsborg
Inwahners:
Postleettall: 21107
Vörwahl: 040
Geograafsche Laag:
Koordinaten:53° 29′ N, 9° 58′ O
53° 29′ N, 9° 58′ O

Koort von’n westen Deel von dat Binnendelta von de Elv, herstellt 1789 bet 1796 ünner Gustav Adolf von Varendorf
Rangeerbahnhoff Hogeschaar
Blick över de Raffinerie in Hogeschaar

Hogeschaar (hoochdüütsch Hohe Schaar) weer en Warder in dat Binnendelta von de Elv twüschen Süderelv un Noorderelv. Vondaag billt dat Rebeed en Deel von’n Hambörger Haven un liggt in’n Stadtdeel Willemsborg, Bezirk Hamborg-Midd, Hamborg.

Geografie[ännern | Bornkood ännern]

Hogeschaar leeg fröher as Warder in dat Binnendelta von de Elv in’n Süden von Hamborg. In’n Süden un Westen leeg de Süderelv, in’n Noorden de Reth un in’n Oosten de Reiherstieg.

De Warders un Öörd ümto weren Neehoff in’n Noorden, de Reiherstieg in’n Noordoosten, Willemsborg in’n Oosten, Horborg in’n Süüdoosten, Lauenbrook in’n Süden, Moorborg in’n Westen un Kattwiek un Oolwarder in’n Noordwesten.

Historie[ännern | Bornkood ännern]

Hogeschaar weer bet in dat 19. Johrhunnert nich bewahnt. In de Midd von dat 19. Johrhunnert hett dor denn aver en enkelten Hoff bestahn. In dat 20. Johrhunnert sünd dor denn aver Havenanlagen anleggt worrn un all Inwahners hebbt Hogeschaar verlaten.

Op de Hoge Schaar liggt de Raffinerie von Nynas (fröher Shell).

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Horborg in’n Kanton Horborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Lauenbrook in dat Amt Horborg tohöört. Na 1885 weer dat in’n Kreis Horborg un hett denn to’n Goodsbezirk Kattwiek höört. An’n 1. Juli 1927 is de Goodsbezirk Kattwiek dör dat Ünnerelvgesett denn mit Horborg un Willemsborg to de ne’e Stadt Horborg-Willemsborg tohoopslaten worrn un weer dormit ok nich mehr in’n Kreis Horborg. Mit dat Groot-Hamborg-Gesett 1937 is Horborg-Willemsborg Deel von de Stadt Hamborg worrn.

Inwahnertall[ännern | Bornkood ännern]

Johr Inwahners
1848-00-001848[1] 8 Lüüd. 1 Huus

Religion[ännern | Bornkood ännern]

Hogeschaar weer evangeelsch-luthersch präägt un hettt to dat Kaspel von de Gertrud-Kark in Oolwarder höört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An’n Noordrand von Hogeschaar hen na Kattwiek löppt de Kattwiekdamm langs, de mit de Kattwiekbrügg över de Süderelv rövergeiht un na Moorboorg un bi Bosselbeek an de Bundsstraat 73 löppt. Bi Moorborg besteiht ok Ansluss an de Autobahn 7 över de Opfohrt 31 Moorborg. De Kattwiekbrügg is 1973 boot worrn. In’n Oosten geiht de Kattwiekdamm an de Hoge-Schaar-Straat ran. De Hoge-Schaar-Straat geiht in’n Noorden över de Reth-Brügg na Neehoff un in’n Süüdoosten mit en Brügg över’n Reiherstieg un in Willemsborg an de Opfohrt 3 Willemsborg-Süüd op de Autobahn 253 ran.

De nächste Bahnhoff is so bi fiev Kilometer wied weg in’n Süüdoosten de Bahnhoff Horborg. De Industrieanlagen in Hogeschaar hebbt aver en egen Gleisansluss.

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93

Weblenken[ännern | Bornkood ännern]

Commons-logo.svg Hogeschaar. Mehr Biller, Videos oder Audiodateien to’t Thema gifft dat bi Wikimedia Commons.