Lauenbrook
Altona_Hamburg_Harburg.jpg)
.4.phb.ajb.jpg)
Lauenbrook (hoochdüütsch Lauenbruch) weer en Dörp bi Horborg. Dat Rebeed höört vondaag to’n Stadtdeel Heimfeld, Bezirk Horborg, Stadt Hamborg.
Geografie
[ännern | Bornkood ännern]Lauenbrook leeg as Stratendörp langs den Diek an dat linke Över von de Süderelv. Dat weer Maschland, dat op üm un bi 0,8 Meter över de See leeg. De West- un Süüdgrenz hett de Waterloop von de Landscheed billt.
De Naveröörd weren Hogeschaar in’n Noorden, Willemsborg in’n Noordoosten, Horborg in’n Süüdoosten, Heimfeld in’n Süden un Moorborg un Kattwiek in’n Noordwesten.
Historie
[ännern | Bornkood ännern]Lauenbrook weer bet to Anfang dat 20. Johrhunnert en Buurndörp. As de Horbörger Binnenhaven to lütt worrn is, hett Horborg anfungen, ne’e Havenbeckens an de Süderelv antoleggen. De Seehaven 1 is 1908 anleggt worrn, de Seehaven 2 üm 1910 rüm, de Seehaven 3 üm 1912 un de Seehaven 4 von 1927 af an. Dat Dörp Lauenbrook is dorför denn bilütten kumplett rüümt worrn. 1928 sünd de letzten Lüüd ut Lauenbrook wegtagen.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Horborg in’n Kanton Horborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Lauenbrook in dat Amt Horborg tohöört. Na 1885 weer dat in’n Kreis Horborg. An’n 1. April 1906 is Lauenbrook Deel von de Stadt Horborg worrn.
An’n 1. Juli 1927 sünd Horborg un Willemsborg dör dat Ünnerelvgesett to de ne’e Stadt Horborg-Willemsborg tohoopslaten worrn. Mit dat Groot-Hamborg-Gesett 1937 is Horborg-Willemsborg Deel von de Stadt Hamborg worrn. Vondaag billt dat Rebeed von dat ole Lauenbrook en Deel von’n Stadtdeel Heimfeld.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 30 Füürsteden |
| 1812[2] | 298 |
| 1824[3] | 42 Füürsteden |
| 1848[4] | 389 Lüüd, 52 Hüüs |
| 1. Dezember 1871[5] | 603 Lüüd, 63 Hüüs |
| 1895[6] | 746 |
Religion
[ännern | Bornkood ännern]Lauenbrook weer evangeelsch-luthersch präägt un höört to dat Kaspel von de Dreefaltigkeitskark in Horborg.
Lüüd
[ännern | Bornkood ännern]De plattdüütsche Schrieversche Mary Harms hett na Lauenbrook freet un dor leevt, bet de Oort för den Havenbo rüümt worrn is.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 138: https://books.google.de/books?id=jN5QAAAAcAAJ&pg=PA138
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 59: http://books.google.de/books?id=Q 5OAAAAcAAJ&pg=PA59
- ↑ C. H. Jansen: Statistisches Handbuch des Königreichs Hannover. 1824, Sied 360: http://books.google.de/books?id=tG0AAAAAcAAJ&pg=PA360
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
- ↑ http://www.gemeindeverzeichnis.de/gem1900/gem1900.htm?hannover/harburg.htm