Schüttdamm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21756 | |
| Vörwahl: | 04776 | |
| Geograafsche Laag: | Koordinaten:53° 44′ N, 9° 15′ O53° 44′ N, 9° 15′ O | |
|
| ||
Schüttdamm is en Oort in de Gemeen Oosten in’n Landkreis Cuxhoben, Neddersassen.
Geografie
[ännern | Bornkood ännern]De Oort liggt in de Masch von de Oost. Na Oosten to liggt dat Kedener Moor. Dat Water ut dat Rebeed flütt över Fleten (Moorfleet, Achthöbener Fleet) na de Oost hen af.
De Naveröörd sünd Kaidiek in’n Noorden, Hamelwöördenermoor un Neelannermoor in’n Noordoosten, Wulfsbrokermoor un Doornbuschermoor in’n Oosten, Olendörp in’n Süden, Oosten un Achthöben in’n Süüdwesten, Achthöbenerdiek un Nedderstreek in’n Westen un Isensee in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort leeg vör 1852 in dat Gericht Oosten, ut dat 1852 dat Amt Oosten worrn is. 1885 is dat Deel von’n Kreis Neehuus worrn. 1932 is dat an’n Kreis Land Hadeln kamen un denn 1977 Deel von’n Landkreis Cuxhoben worrn.
Schüttdamm hett fröher to de Buurschop Olendörp tohöört. Von 1964 bet 1972 weer Schüttdamm tohoop mit Olendörp Deel von de Samtgemeen Oosten. An’n 1. Juli 1972 is dat denn bi de Gemeenreform in Neddersassen Deel von de ne’e Gemeen Oosten worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 18 Füürsteden |
| 1. Dezember 1885[2] | 172 Lüüd, 31 Hüüs |
Religion
[ännern | Bornkood ännern]Schüttdamm is evangeelsch-luthersch präägt un höört to dat Kaspel Oosten.
För de Kathoolschen is de Karkengemeen Hillig Geist in Stood tostännig.
Kultur
[ännern | Bornkood ännern]Sport
[ännern | Bornkood ännern]De Schützenvereen Schüttdamm is 1901 grünnt worrn un hett sik 1949 mit’n 1925 grünnten Schützenvereen Isensee to’n Schützenvereen Schüttdamm-Isensee tohoopslaten. De Vereen hett vondaag üm un bi 800 Maten.
Weertschop un Infrastruktur
[ännern | Bornkood ännern]As freewillige Füürwehr is von öllers de Füürwehr Oosten för Schüttdamm mit tostännig.
Verkehr
[ännern | Bornkood ännern]Schüttdamm liggt an de Kreisstraat 27, de in’n Noorden na Kaidiek, Isensee un Hasenfleet löppt. In’n Süden geiht de Straat na Oben-Olendörp. Disse Straat warrt von de Bundsstraat 495 krüüzt, de in’n Noordwesten över Neelannermoor un Neeland na Wischhoben geiht un in’n Süüdoosten na Oosten un Hemmoor/Basbeek/Warstood an de B 73.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 33 Kilometer in’n Süüdoosten von Schüttdamm an de B 73.
De nächste Bahnhoff is so bi acht Kilometer wied weg in’n Süüdwesten de Bahnhoff Hemmoor an de Nedderelvbahn von Cuxhoben na Hamborg.
Footnoten
[ännern | Bornkood ännern]- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 548
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155