Petrus-Kark (Oosten)
).ajb.jpg)
De Petrus-Kark is en evangeelsch-luthersche Kark in Oosten. De Kark höört to’n Karkenkreis Land Hadeln in’t Sprengel Stood von de Landskark Hannover.
Karkenhuus[ännern | Bornkood ännern]
De Kark is 1746/1747 von’n Bomeester Prey ut Hamborg in’n Stil von’t Barock boot worrn un is ut Backsteen.
En eerste Kark is al 1396 an de sülve Steed boot worrn. Vörher harr dat al en annere Kark geven, de nich wied weg op’n Dubben stünn, aver bi en Stormflood 1391 ünnergahn is.
Örgel[ännern | Bornkood ännern]
.jpg)
Dat eerste Maal warrt 1581 in en Oorkunn dorvon snackt, dat de Kark in Oosten en Örgel hett. De hüdige Örgel hett Jakob Albrecht 1751 boot. 1779 hett Georg Wilhelm Wilhelmi de Örgel wedder op Schick bröcht. 1890 hebbt de Bröder Peternell de Örgel denn düchtig ümboot un blots de Prospekt is von de ole Örgel nableven. 1992 is se denn noch wedder von de Firma Kuhn op Schick bröcht worrn.
Binnen[ännern | Bornkood ännern]
.jpg)
Binnen hett de Kark achtern en Örgelböhn un Priechen. Vörn steiht de Altor mit’n Preddigstohl dor över. De Kark hett en Holttunnengewölv.
Kaspel[ännern | Bornkood ännern]
To dat Kaspel Oosten höört de Öörd Oosten, Olendörp, Schüttdamm, Isensee, Achthöben, Achthöbenerdiek, Nedderstreek un Hüll to.
De Naverkaspels sünd Grootweurn in’n Süüdoosten, Basbeek in’n Süden, Öberndörp in’n Noordwesten, Öderquart in’n Noorden, Hamelwöörden in’n Noordoosten un Drochters in’n Oosten.
Weblenken[ännern | Bornkood ännern]
Petrus-Kark in Oosten. Mehr Biller, Videos oder Audiodateien to’t Thema gifft dat bi Wikimedia Commons.
Koordinaten:53° 42′ N, 9° 11′ O