Kaidiek (Gemeen Oosten)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21756 | |
| Vörwahl: | 04776 | |
| Geograafsche Laag: | Koordinaten:53° 44′ N, 9° 14′ O53° 44′ N, 9° 14′ O | |
|
| ||
Kaidiek (hoochdüütsch Kajedeich) is en lütten Oort in de Gemeen Oosten (Samtgemeen Hemmoor) in’n Landkreis Cuxhoben, Neddersassen. De Oort höört bi Isensee mit bi.
Geografie
[ännern | Bornkood ännern]De Oort liggt in de Masch von de Oost. Na Oosten to liggt dat Kedener Moor. Dat Water ut dat Rebeed flütt över Fleten (ünner annern dat Grote Fleet) na de Oost hen af.
De Naveröörd sünd Isensee in’n Noorden, Schüttdamm in’n Süden un Nedderkögt un Överkögt in’n Westen.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort leeg vör 1852 in dat Gericht Oosten, ut dat 1852 dat Amt Oosten worrn is. 1885 is dat Deel von’n Kreis Neehuus worrn. 1932 is dat an’n Kreis Land Hadeln kamen un denn 1977 Deel von’n Landkreis Cuxhoben worrn.
De Oort höört von öllers bi de Buurschop un de Gemeen Isensee mit to. De Gemeen Isensee is an’n 1. Juli 1972 bi de Gemeenreform in Neddersassen mit Oosten un Olendörp to de ne’e Gemeen Oosten tohoopleggt worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 59 Hüüs |
| 1. Dezember 1871[2] | 150 Lüüd, 30 Hüüs |
| 1. Dezember 1885[3] | 124 Lüüd, 24 Hüüs |
Religion
[ännern | Bornkood ännern]Kaidiek is evangeelsch-luthersch präägt un höört to dat Kaspel von de Petrus-Kark in Oosten.
För de Kathoolschen is de Karkengemeen Hillig Geist in Stood tostännig.
Weertschop un Infrastruktur
[ännern | Bornkood ännern]För Kaidiek is de freewillige Füürwehr Oosten mit tostännig.
Verkehr
[ännern | Bornkood ännern]Fröher hett Kaidiek en Parallelstraat to de Isensee’er Landstraat billt. Vondaag sünd de Hööv von Kaidiek aver all direkt an de Landstraat anbunnen. De Landstraat is gliektiedig de Kreisstraat 27. Se löppt in’n Noordwesten över Swartenmoor na Hasenfleet an de Landsstraat 113 un in’n Süden in Schüttdamm an de Bundsstraat 495. De B 495 wedder föhrt in Süüdwesten över Oosten na Hemmoor/Basbeek/Warstood an de B 73 un wieder na Loomst un Bremervöör un in’n Noordoosten na de Landsstraat 111 un na Wischhoben.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 34 Kilometer in’n Süüdoosten von Kaidiek an de B 73.
De nächste Bahnhoff is so bi negen Kilometer wied weg in’n Süüdwesten de Bahnhoff Hemmoor an de Nedderelvbahn von Cuxhoben na Hamborg.
Footnoten
[ännern | Bornkood ännern]- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 324
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
