Oostbrügg Oosten

Vun Wikipedia
Zur Navigation springen Zur Suche springen
Luftbild von Oosten, de Oostbrügg vörn links, de ole Sweevfähr vörn in de Midd
Brügg mit Sweevfähr in’n Achtergrund

De Oostbrügg Oosten is en Brügg in Oosten över de Oost.

Bevör de Brügg boot worrn is, hett de Sweevfähr Oosten, de 1909 boot worrn is, den Oort Oosten mit de annere Sied von de Oost mit den Oort Basbeek verbunnen. De Sweevfähr hett sik aver mit de Tied - nadem de Verkehr duller worrn is - to en Nadelöhr utwickelt. Von 1969 bet 1974 hebbt se denn aver för 19 Millionen D-Mark de Brügg boot, de toglieks ok en Oortsumgehung för Oosten is. De Brügg löppt en beten na Noordwesten to an Oosten langs, wielt de ole Straat na de Sweevfähr merrn dör’n Oort dörgahn dee.

De Brügg is 14 m breed un 6,30 m hoog. De Dörföhrhöögd bi MThw is 4,86 m, bi MTnw 7,13 m un de Dörföhrbreed twüschen de Pielers is 50 m.[1] Alltohoop mit de Opfohrten is de Brügg dree Kilometer lang. De Stroom sülvs is an de Steed so bi 90 m breed. De Brügg kunn an’n 30. Mai 1974 inwieht warrn. Annern Dag hett denn de Sweevfähr ehren normalen Verkehr instellt.

Nadem de Brügg trech weer un dat Nadelöhr weg, is denn ut de Straat von de Bundsstraat 71/B 74 in Bremervöör na de Elvfähr Wischhoben-Glückstadt in Wischhoben de Bundsstraat 495 worrn.

Footnoten[ännern | Bornkood ännern]

  1. Die Oste - Informationen für Wassersportler

Weblenken[ännern | Bornkood ännern]

Commons-logo.svg Oostbrügg Oosten. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 42′ N, 9° 11′ O