Breedmeh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27432 | |
| Vörwahl: | 04765 | |
| Geograafsche Laag: | Koordinaten:53° 33′ N, 9° 4′ O53° 33′ N, 9° 4′ O | |
|
| ||
Breedmeh (hoochdüütsch Bredemehe) is en Oort in de Gemeen Alfs (Samtgemeen Geestborn) in’n Landkreis Rodenborg, Neddersassen.
Geografie
[ännern | Bornkood ännern]De Oort liggt an’t Över von de Meh.
De Naveröörd sünd Langeln in’n Noorden, Abbenseet in’n Noordoosten, Isheim un Mehdörp in’n Oosten, Alfs un Eversdörp in’n Süden, Nee Eversdörp in’n Süüdwesten un Hain un Doornsood in’n Noordwesten.
Historie
[ännern | Bornkood ännern]Breedmeh kummt 1310 as tho der Breden Mehe toeerst in de Oorkunnen vör. Dor leeg en Foort dör de Meh. De Meh weer fröher de Grenz twüschen de Kaspels Loomst un Örel un is vondaag de Grenz twüschen de Landkreise Rodenborg un Cuxhoben. 1397 hett Hennecke Becker de Watermöhl in Breedmeh an Johann II. von Schlamstorp verköfft, wat later de Arzbischop von Bremen ween is. Von 1663 bet 2003 hett de Möhl de Familie Steffens tohöört.
In de Franzosentied von 1810 bet 1814 hett de Oort to de Mairie Bremervöör in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Bremervöör tohöört. Na 1885 weer dat in’n Kreis Bremervöör. 1977 is dat Deel von’n Landkreis Rodenborg worrn.
De Oort is 1912 Deel von de Gemeen Alfs worrn.
1908 is för dat ole hölten Waterrad en Fallturbin insett worrn. As 1968 de Meh begraadigt worrn is, hett ok de Möhl ehren Bedriev instellt. 2003 is de Vereen De Möhl grünnt worrn, de sik för dat Bewohren von de Watermöhl insett.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 3 Füürsteden |
| 1848[2] | 30 Lüüd, 4 Hüüs |
| 1. Dezember 1871[3] | 33 Lüüd, 5 Hüüs |
Religion
[ännern | Bornkood ännern]Breedmeh is evangeelsch-luthersch präägt un höört to dat Kaspel Örel.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Breedmeh löppt de Bundsstraat 495, de in’n Noorden över Loomst na Warstood/Basbeek an de Bundsstraat 73 ran geiht un in’n Süden över Eversdörp na Bremervöör an de Bundsstraat 71/74 ran. Lüttjere Straten gifft dat na Abbenseet un Mehdörp.
De nächste Autobahn is de Autobahn 27. De Opfohrt 5 Debst liggt so 36 Kilometer in’n Noordoosten von Breedmeh.
De nächste Bahnhoff is so bi twölv Kilometer wied weg in’n Süüdoosten in Bremervöör an de Bahnlien Bremerhoben–Buxthu.
Scholen
[ännern | Bornkood ännern]De Schölers ut’n Oort gaht na de Grundschool Eversdörp/Alfs in Eversdörp. Later wesselt se na Oberschool op de Geestborn-School in Örel oder na dat Gymnasium Bremervöör.
De Grundschool in Alfs, de fröher een von de twee Standöörd von de Grundschool Eversdörp/Alfs weer, is dichtmaakt worrn.
Lüüd
[ännern | Bornkood ännern]De plattdüütsche Schriever Hans-Hinrich Kahrs is 1956 in Breedmeh boren.
Literatur
[ännern | Bornkood ännern]- Hans-Hinrich Kahrs, Michael Ehrhardt: Alfstedt und Bredemehe. Historie und Heimatkunde. Schriftenreihe des Landschaftsverbandes Band 40, 2012, ISBN 978-3-931879-54-9
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 84: http://books.google.de/books?id=tG0AAAAAcAAJ&pg=PA84
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=PA143